മോഹൻലാലിന്റെ ശബ്ദം കേട്ട് താഴേയ്ക്ക് ഇറങ്ങിവന്നു; പിന്നീട് സംഭവിച്ചത്!

തെന്നിന്ത്യൻ ഇതിഹാസം ശിവാജി ഗണേശനും സൂപ്പർതാരം മോഹൻലാലും ഒരുമിച്ച് അഭിനയിച്ച ചിത്രമായിരുന്നു യാത്രാമൊഴി. പ്രേക്ഷകരെ കാഴ്ചയുടെ വേറിട്ട അനുഭവത്തിലേക്ക് കൂട്ടിക്കൊണ്ടുപോയ ചിത്രം. പ്രതാപ് പോത്തനായിരുന്നു ചത്രം സംവിധാനം ചെയ്തത് . ജോൺപോളിന്റെ തിരക്കഥയിലായിരുന്നു ചിത്രം ഒരുങ്ങിയത് . ചിത്രീകരണത്തിനിടെ തനിയ്ക്ക് ഉണ്ടായ അനുഭവം തുറന്നു പറഞ്ഞിരിക്കുകയാണ് പ്രശസ്‌ത പരസ്യകലാകാരനായ ഗായത്രി അശോക്.

‘യാത്രാമൊഴിയുടെ ഷൂട്ട് നടക്കുന്ന ദിവസങ്ങളിൽ ഒന്നിൽ മോഹൻലാൽ അടക്കമുള്ള അഭിനേതാക്കാളെല്ലാം ഒരു രാത്രിയിൽ ഒത്തുകൂടി. എല്ലാവർക്കും താമസമൊരുക്കിയിരുന്നത് ഒരു വലിയ വീട്ടിലായിരുന്നു. ലാലിനൊപ്പം തിലകൻ,​ നെടുമുടി വേണു,​ മണിയൻപിള്ള രാജു, ജയരാജ് വാര്യർ,​ ബാലചന്ദ്രൻ ചുള്ളിക്കാട് തുടങ്ങിയവരൊക്കെയുണ്ട്. ഇവരെല്ലാവരും കൂടിയപ്പോൾ,​ നമുക്കിന്നത്തെ രാത്രി രസകരമായ ഒന്നാക്കാം എന്ന് മോഹൻലാലാണ് സജസ്‌റ്റ് ചെയ്‌തത്.

അങ്ങനെ മോഹൻലാൽ പാടുന്നു,​ നെടുമുടി വേണു പാടുന്നു,​ ജയരാജ് വാര്യർ ഇടയ്‌ക്ക് കാരിക്കേച്ചർ ഷോ അവതരിപ്പിക്കുന്നു,​ ചുള്ളിക്കാട് കവിത അവതരിപ്പിക്കുന്നു. അങ്ങനെ വളരെ രസകരമായിട്ട് ആ രാത്രി നീണ്ടു പോവുകയാണ്. മുകളിലത്തെ നിലയിലാണ് ചിത്രത്തിലെ നായികയായ രഞ്ചിത താമസിക്കുന്നത്. താഴത്തെ ശബ്ദ‌മൊക്കെ കേട്ട് രഞ്ചിത അങ്ങോട്ട് ഇറങ്ങി വന്നു. അവർക്ക് അത്ഭുതം സഹിക്കാൻ പറ്റിയില്ല. കാരണം,​ അവർ പറയുന്നത്, തമിഴ് പടത്തിന്റെ ലൊക്കേഷനിലൊക്കെ ഇങ്ങനെയുള്ള ഒരു സഹകരണം കാണാൻ കഴിയില്ലെന്നായിരുന്നു. പടത്തിലെ ഹീറോയും ഏറ്റവും ചെറിയ വേഷം ചെയ്യുന്ന ആൾക്കാരും തമ്മിലുള്ള സൗഹൃദം,​ ഇടപഴകൽ എല്ലാം രഞ്ചിതയ്‌ക്ക് തികച്ചും അത്ഭുതമായിരുന്നു’- അശോകിന്റെ വാക്കുകൾ.

about mohanlal