ബിഗ് ബോസ്സിലെ വമ്പൻ സ്രാവുകളെപ്പറ്റി രജിത്ത് കുമാർ;അവരെ സൂക്ഷിക്കണം എന്ന് എലീന!

ബിഗ് ബോസ് രണ്ടാഴ്ച പിന്നിടുമ്പോൾ അമ്പരപ്പിക്കുന്ന കാര്യങ്ങളാണ് ബിഗ് ഹൗസിൽ നടക്കുന്നത്. ചേരികളായി തിരിഞ്ഞുള്ള പടവെട്ടലിന് ഒരുങ്ങുകയാണ് മത്സരാർത്ഥികൾ. ഇനി കളി വേറെ ലെവൽ എന്ന് അമരക്കാരനായ മോഹൻ ലാൽ പറയുന്നത് വെറുതെയല്ല. വേറെ ലെവൽ കളികൾ തന്നെയാണ് ഇപ്പോൾ ബിഗ് ഹൗസിൽ സംഭവിച്ചുകൊണ്ടിരിക്കുന്നത്. മത്സരാര്ഥികളും പ്രേക്ഷകരും ഒരുപോലെ ഗെയിമിലേക്ക് ഇറങ്ങി കഴിഞ്ഞു. ബിഗ് ബോസ്സിൽ ഇനി സംഭവിക്കുന്നത് അട്ടിമറി നീക്കങ്ങൾ. സംഘങ്ങളായി തിരിഞ്ഞുള്ള പടവെട്ടലാണോ ഇനി മത്സരാത്ഥികൾ തമ്മിൽ നടക്കാൻ പോകുന്നതെന്ന ആകാംക്ഷയിലാണ് പ്രേക്ഷകർ. കഴിഞ്ഞ എപ്പിസോഡിൽ ആണ് ഇതിന്റെ സൂചനകൾ ലഭിക്കുന്നത്. രജിത്ത് കുമാറാണ് ബിഗ് ബോസ്സിൽ പുതിയ നീക്കങ്ങൾക്ക് പദ്ധതിയിടുന്നത്.

കഴിഞ്ഞ എപ്പിസോഡിലെ രജിത്ത് കുമാർ, എലീന പടിക്കൽ, പരീക്കുട്ടി എന്നിവരുടെ സംഭാഷണമാണ് പുതിയ നീക്കങ്ങളുടെ സൂചന നൽകുന്നത്. ഇവർ മൂന്നുപേരും ചേർന്ന് വിശ്രമ മുറിൽ ഇരുന്നു സംസാരിക്കുകയായിരുന്നു. ഇനി തങ്ങൾ മൂന്നുപേരും ഒറ്റക്കെട്ടായി നിൽക്കണമെന്നും മറ്റുള്ളവർ പ്രബലരാണെന്നും തങ്ങൾ ഒരുമിച്ചു നിന്നാൽ മാത്രമേ അവരെ നേരിടാൻ പറ്റുകയുള്ളു എന്നുമാണ് മൂവരും ചേർന്ന് തീരുമാനിക്കുന്നത്. തങ്ങൾ ഒറ്റകെട്ടായി നിൽക്കണമെന്നുള്ള നിർദേശം ആദ്യം മുന്നോട്ടു വെക്കുന്നത് എലീനയാണ്. എന്നാൽ തങ്ങൾ മൂന്നുപേരും ഒത്തുചേർന്നു നിന്നാലും കാര്യമൊന്നുമില്ല എന്ന രീതിയിലാണ് രജിത്ത് കുമാർ സംസാരിച്ചത്. എന്നാൽ അതൊക്കെ രജിത്തിന്റെ തോന്നലാണെന്നും ഒന്നിച്ചു നിന്നാൽ അവരെയൊക്കെ നേരിടാനാകും എന്നാണ് എലീന അഭിപ്രായപ്പെട്ടത്. തുടർന്ന് മൂവരും ചേർന്ന് മറ്റുള്ളവരെക്കുറിച്ചു സംസാരിക്കുകയായിരുന്നു. തുടർന്നാണ് ബിഗ് ബോസ്സിലെ വമ്പൻ സ്രാവുകളെപ്പറ്റി രജിത്ത് കുമാർ സൂചിപ്പിക്കുന്നത്. ബിഗ് ബോസ്സിലെ ശക്തരായ സ്ത്രീകളായ ആര്യ, വീണ നായർ, മഞ്ജു പത്രോസ് തെസ്നി ഖാൻ എന്നിവരെയാണ് രജിത്ത് കുമാർ വമ്പൻ സ്രാവുകൾ എന്ന് പരാമർശിക്കുന്നത്. എന്നാൽ തെസ്നി ഖാനെ ഒഴിവാക്കാമെന്നും മറ്റു മൂന്നുപേരാണ് ശക്തരെന്നും രജിത്ത് കുമാർ പരാമർശിക്കുന്നുണ്ട്. ഇനി സൂക്ഷിച്ചു മുന്നോട്ട് പോകണമെന്നും ഒക്കെ മൂവരും ചേർന്ന് പദ്ധതിയിടുന്നതും കാണാം.

ബിഗ് ബോസ്സിലെ ഏറ്റവും നല്ല പ്രകടനങ്ങൾ കാഴ്ചവെക്കുന്ന മത്സരാത്ഥികളാണ് ആര്യയും വീണയും മഞ്ജു പത്രോസും. എല്ലാ കാര്യങ്ങളിലും വളരെ സജീവമായി തന്നെ ഇവർ ഇടപെടുന്നുമുണ്ട്. വഴക്കുകളും അഭിപ്രായ വ്യത്യാസങ്ങളിലുമൊക്കെ ഇവർ ഇടപെടുകയും പ്രശ്നം പരിഹരിക്കാൻ ശ്രമിക്കുന്നതും കാണാറുണ്ട്. ടാസ്ക്കുകളിൽ എല്ലാം തന്നെ വളരെ ആവേശത്തോടെ തന്നെ ഇവർ പങ്കെടുത്തിരുന്നു. കഴിഞ്ഞ ക്യാപ്റ്റൻസി ടാസ്ക്കിലെ മത്സരാര്ഥികളിൽ ഒരാളായിരുന്നു ആര്യ. സുരേഷ്, പ്രദീപ്, എന്നിവരോടൊപ്പമാണ് ആര്യ മത്സരിച്ചത്. വളരെ പോരടിത്തന്നെ രണ്ടാം സ്ഥാനത് എത്തുകയും ചെയ്തു. കഴിഞ്ഞ എപ്പിസോഡിൽ പരീക്കുട്ടി ഫേക്ക് ആണെന്നും ആര്യ വീണയോട് പരാമർശിച്ചിരുന്നു. ഈ സൂചന പരീക്കുട്ടിയെകൊണ്ട് തന്നെ ആര്യ തന്ത്രപൂർവം പറയിക്കുകയായിരുന്നു. കൂടാതെ എലീനയെ തനിക്ക് മുന്‍പുതന്നെ വ്യക്തിപരമായി അറിയാമെന്നും ഓവര്‍ സ്മാര്‍ട്ടും ഹൈപ്പര്‍ ആക്ടീവുമാണ് എലീനയെന്നുമുള്ള അഭിപ്രായവും ആര്യ മറ്റ് മത്സരാര്ഥികളോട് പങ്കു വെച്ചിരുന്നു.ബുദ്ധിപരമായ സംസാരിക്കുന്നതായാണ് സ്വന്തം ധാരണയെങ്കിലും പറയുന്നതെല്ലാം മണ്ടത്തരമാണെന്നും അതിനാലാണ് എലീനക്ക് ട്രോളുകൾ നേരിടേണ്ടി വരുന്നതെന്നും ആര്യ അഭിപ്രായപ്പെട്ടിരുന്നു.

ഏതായാലും ഇനി ബിഗ് ബോസ്സിൽ വിവിധ ഗ്രുപ്പുകളുടെ പ്രകടനമാണോ നടക്കാൻ പോകുകയെന്നു വരും എപ്പിസോഡുകളിൽ കണ്ടറിയാം. ആര്യയുടെ നേതൃത്വത്തിൽ ഒരു സംഘവും രജിത്തിന്റെ നേതൃത്വത്തിൽ ഒരു സംഘവും ആണോ ഇനി ബിഗ് ബോസ്സിലെ പ്രധാന എതിരാളികൾ എന്ന് വരും ദിനങ്ങൾ മനസ്സിലാക്കിത്തരും എന്ന കാത്തിരിപ്പിലാണ് ആരാധകർ.

about bigboss season 2