‘ഒരു സെൽഫിയും ഞാൻ വിടില്ല, അതും ഇതിഹാസത്തിനൊപ്പം’;അജുവിന്റെ കുമ്മനടി ചിത്രം വൈറൽ!

അജു വർഗ്ഗീസ് പങ്കുവെച്ച ഒരു ചിത്രമാണ് ഇപ്പോൾ ജനശ്രദ്ധ പിടിച്ചുപറ്റിക്കൊണ്ടിരിക്കുന്നത്.ശ്വേതയും മോഹൻലാലും എടുത്ത സെൽഫിയിൽ കുമ്മനടിക്കുന്ന അജു അതാണ് ചിത്രം.‘ഒരു സെൽഫിയും ഞാൻ വിടില്ല, അതും ഇതിഹാസത്തിനൊപ്പം. എന്തുവിലയും കൊടുത്ത് ഞാന്‍ എത്തും, അതും വിളിച്ചില്ലെങ്കിൽപ്പോലും.’–മോഹൻലാലിനൊപ്പമുള്ള സെൽഫി പങ്കുവച്ച ശേഷം അജു കുറിച്ചത് ഇങ്ങനെയാണ്. ശ്വേതാ സെൽഫി എടുക്കുമ്പോൾ അജു വർഗീസ് ഇടയിലേക്ക് നുഴഞ്ഞു കയറുകയായിരുന്നു.അമ്മ ഭാരവാഹികളുടെ കൂടിച്ചേരലിനിടെയായിരുന്നു മനോഹര നിമിഷം അരങ്ങേറിയത്. ശ്വേതയുടെ മോഹന്‍ലാൽ സെൽഫിയിൽ അജു വർഗീസ് കൂടി ചേരുകയായിരുന്നു.

വളരെ പെട്ടന്ന് ചിത്രം സോഷ്യൽ മീഡിയയിൽ വൈറലായി.എന്തായാലും രസകരമായ കമന്റുകളാണ് ഈ ചിത്രത്തിനു താഴെയായി വന്നുകൊണ്ടിരിക്കുന്നത്. ‘അമ്മ മീൻ മുറിക്കുമ്പോൾ, തല കണ്ടമെങ്കിലും കിട്ടണെ എന്ന് കഠിന പ്രാർഥന ചെയ്തു ഒളിച്ചു നോക്കുന്ന കണ്ടൻപൂച്ച.’ ‘മലയാള സിനിമയിലെ നുഴഞ്ഞ്‌ കയറ്റക്കാരൻ’. തുടങ്ങി നർമരസമുള്ള നിരവധി പ്രതികരണങ്ങൾ ആരാധകർ പോസ്റ്റ് ചെയ്യുന്നുണ്ട്.

shweta menon selfie with aju mohanlal and aju varghese