മകനൊപ്പം അവധി ആഘോഷിച്ച് നവ്യാ നായർ;ചിത്രം ഏറ്റെടുത്ത് ആരാധകർ!

നവ്യാ നായര്‍ മലയാളികളേറെ നെഞ്ചിലേറ്റിയ താരമാണ്. ദിലീപിനൊപ്പം വെള്ളിത്തിരയില്‍ അരങ്ങേറിയ നവ്യ ചുരുങ്ങിയ കാലം കൊണ്ട് തന്നെ പ്രേക്ഷക മനസ്സുകള്‍ കീഴടക്കി. സോഷ്യൽ മീഡിയയിൽ താരം സജീവമാണ്.തന്റെ പുതിയ പുതിയ വിശേഷങ്ങൾ നവ്യ സോഷ്യൽ മീഡിയയിൽ പങ്കുവെക്കാറുണ്ട്.നവ്യയുടെ പിറന്നാൾ കുടുംബാംഗങ്ങൾ ആഘോഷത്തോടെ കൊണ്ടാടിയത് താരം സോഷ്യൽ മീഡിയയിൽ പങ്കുവെച്ചിരുന്നു അതിന് വലിയ സ്വീകാര്യതയുമാണ് കിട്ടിയത്.ഇപ്പോളിതാ മകനുമൊപ്പം അവധിയാഘോഷിക്കുന്നതിന്റെ ചിത്രം പങ്കുവെച്ചിരിക്കുകയാണ്.

നവ്യ നായരുടെതായി പുറത്തിറങ്ങിയ പുതിയ ഇന്‍സ്റ്റഗ്രാം ചിത്രങ്ങളും ആരാധകര്‍ ഏറ്റെടുത്തിരുന്നു. മകനൊപ്പം അവധി ആഘോഷിക്കുന്നതിന്റെ പുതിയ ചിത്രങ്ങളാണ് നവ്യ ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. കൊച്ചിയിലെ ഒരു റിസോര്‍ട്ടില്‍ നിന്നെടുത്ത ചിത്രങ്ങളാണ് നവ്യ സോഷ്യല്‍ മീഡിയയില്‍ പോസ്റ്റ് ചെയ്തിരുന്നത്. വിവാഹ ശേഷം മുംബൈയിലാണ് നടി സ്ഥിര താമസമാക്കിയിരുന്നത്.

നടിയുടെ വര്‍ക്കൗട്ട് വീഡിയോകളും പലപ്പോഴും ആരാധകര്‍ ഏറ്റെടുക്കാറുണ്ട്. ശരീരഭാരം കുറച്ച് കുറച്ച് സ്ലിം ആയതിന്റെ ചിത്രങ്ങള്‍ മുന്‍പ് നടിയുടെതായി ധാരാളമായി പുറത്തിറങ്ങിയിരുന്നു. ആരാധകരെ ഒന്നടങ്കം അതിശയിപ്പിക്കുന്ന തരത്തിലുളള മേക്കോവര്‍ ചിത്രങ്ങളായിരുന്നു നവ്യാ നായരുടെതായി മുന്‍പ് പുറത്തിറങ്ങിയിരുന്നത്.2001ല്‍ പുറത്തിറങ്ങിയ ഇഷ്ടം എന്ന ചിത്രമായിരുന്നു നവ്യയുടെ അരങ്ങേറ്റ ചിത്രം. ശേഷം മഴത്തുള്ളിക്കിലുക്കം, കുഞ്ഞിക്കൂനന്‍, കല്യാണരാമന്‍, പാണ്ടിപ്പട, ഗ്രാമഫോണ്‍, പട്ടണത്തില്‍ സുന്ദരന്‍ തുടങ്ങീ ചിത്രങ്ങളിലും ദിലീപിനൊപ്പം തിളങ്ങിയെങ്കിലും നന്ദനത്തിലെ ബാലാമണിയായിരുന്നു നവ്യയുടെ മികച്ച കഥാപാത്രങ്ങളിലൊന്ന്.

navya nair photos with her son