ദളപതി ചിത്രത്തോട് ധൈര്യപൂർവം മത്സരിക്കാൻ ഉണ്ടായ കാരണം ഇതാണ്;കൈതിയെക്കുറിച്ച് നരേൻ!

തമിഴകത്ത് നിറഞ്ഞകയ്യടി നേടി ബിഗിൽ പ്രേക്ഷക ശ്രദ്ധ പിടിച്ചുപറ്റുമ്പോൾ ഒട്ടും പിന്നിലല്ലാതെ തന്നെ മുന്നേറിക്കൊണ്ടിരിക്കുകയാണ് കൈതിയും.കൈതിക്കും വലിയ പിന്തുണയാണ് ആരാധകരിൽ നിന്നെ കിട്ടിക്കൊണ്ടിരിക്കുന്നത്.ദളപതിയുടെ ബിഗിൽ റിലീസായ അതീ ദിവസം തന്നെയാണ് കാർത്തിയുടെ കൈതിയും റിലീസ് ആയത്.ദളപതി ചിത്രത്തോട് ബോക്സ് ഓഫീസിൽ മത്സരിക്കാതെ പല ചിത്രങ്ങളും റിലീസ് മാറ്റി വെച്ചപ്പോൾ ധൈര്യ പൂർവം ആ ചിത്രവുമായി മത്സരിക്കാൻ ഉണ്ടായ കാരണം വെളിപ്പെടുത്തുകയാണ് ചിത്രത്തിലെ ഒരു പ്രധാന കഥാപാത്രം ചെയ്ത നരേൻ. അതിനുള്ള ആദ്യത്തെ കാരണമായി നരേയ്ൻ പറയുന്നതു കൈദി എന്ന ചിത്രത്തിന്റെ നിലവാരത്തിൽ ഇതിന്റെ അണിയറ പ്രവർത്തകർക്ക് ഉള്ള ആത്മവിശ്വാസം ആയിരുന്നു എന്നാണ്. അതുകൊണ്ട് തന്നെ ഏതു ചിത്രത്തിന്റെ ഒപ്പം ഇറക്കിയാലും കൈദിക്കു മികച്ച അഭിപ്രായം ലഭിക്കും എന്ന വിശ്വാസം എല്ലാവർക്കും ഉണ്ടായിരുന്നു.

വളരെ ധൈര്യ പൂർവം തന്നെ ആ തീരുമാനം എടുത്ത നിർമ്മാതാക്കളും കാർത്തിയും ഒക്കെയാണ് ഈ വിജയത്തിന് പിന്നിലും എന്ന് പറയുന്നു നരെയ്ൻ. ബഡ്ജറ്റിലും ലഭിച്ച സ്‌ക്രീനുകളുടെ എണ്ണത്തിലും ക്യാൻവാസിലും ഒന്നും ബിഗിൽ എന്ന ചിത്രത്തിന്റെ അടുത്ത് പോലും എത്താൻ പറ്റാത്ത ചിത്രമാണ് കൈദി എങ്കിലും ഇതിനു ഇത്ര വലിയ ഒരു വിജയം ലഭിക്കും എന്ന് വിചാരിച്ചിരുന്നില്ല എന്നും നരെയ്ൻ പറഞ്ഞു. പിന്നെ വിജയ്‌യുടെ അടുത്ത ചിത്രം ഒരുക്കുന്നത് കൈദി സംവിധായകൻ ലോകേഷ് ആയത് കൊണ്ട് തന്നെ വിജയ് ആരാധകരുടെ പിന്തുണയും ഈ ചിത്രത്തിന് കിട്ടി എന്നാണ് തനിക്കു തോന്നുന്നത് എന്നും നരെയ്ൻ വെളിപ്പെടുത്തുന്നു.

narain talks about kaithi