ദൈവത്തിന്റെ സ്വന്തം നാടിനെ രക്ഷിക്കാൻ ഒരേ മനസോടെ പ്രാർത്ഥിക്കാം; ലേഡി സൂപ്പർ സ്റ്റാർ നയൻ താര

മഴക്കെടുതിയിലും പ്രളയദുരിതത്തിലും വലയുന്ന കേരളത്തിനു വേണ്ടി എല്ലാവരുടെയും പിന്തുണയും പ്രാര്‍ത്ഥനയും അഭ്യര്‍ത്ഥിച്ച് തെന്നിന്ത്യന്‍ നടി നയൻതാര. മഴക്കെടുതിയിലും പ്രളയദുരിതത്തിലും വലയുന്ന കേരളത്തിനു വേണ്ടി പ്രാര്‍ത്ഥിക്കണമെന്ന് നയൻതാര ഫേസ്ബുക്കിൽ അഭ്യർത്ഥിച്ചു.

കേരളം കനത്ത വെള്ളപ്പൊക്കത്തില്‍ പെട്ട് മറ്റൊരു ദുരിത കാലത്തിലൂടെയാണ് കടന്നു പോകുന്നതെന്നും അതുകൊണ്ടു തന്നെ ദൈവത്തിന്റെ സ്വന്തം നാടിനെ ഈ ദുരന്ത ഘട്ടത്തില്‍ നിന്നു രക്ഷിക്കാന്‍ എല്ലാവരും ഒരേ മനസ്സോടെ ഉണര്‍ന്നു പ്രവര്‍ത്തിക്കണമെന്നുമാണ് താരം കുറിച്ചിരിക്കുന്നത്. ദുരിതത്തില്‍ പെട്ടവര്‍ക്ക് ആവശ്യമായ ഭക്ഷണവും വസ്ത്രവും സുരക്ഷിതമായി താമസിക്കുന്നതിനുള്ള ഇടവും ഒരുക്കിക്കൊടുക്കണമെന്നും കേരളത്തോട് കരുണ കാട്ടണമെന്നു ദൈവത്തോടു പ്രാര്‍ത്ഥിക്കാമെന്നും താരം കുറിച്ചു.

മഴക്കാലത്ത് പ്രളയ മുന്നറിയിപ്പുകളും നിര്‍ദ്ദേശങ്ങളും സഹായങ്ങളുമൊക്കെയായി ജനങ്ങള്‍ക്കൊപ്പം നില്‍ക്കുകയാണ് സിനിമാതാരങ്ങളും മറ്റു പ്രമുഖരും.

nayanthara- facebook post- prayer for kerala