ഫഹദും നസ്രിയയും ഒന്നിക്കാൻ കാരണം ഞാനാണെന്ന് നിത്യ മേനോൻ

ഫഹദ് ഫാസിലും നസ്രിയയും തമ്മില്‍ വിവാഹം കഴിക്കാന്‍ കാരണക്കാരി താനാണെന്ന് വെളിപ്പെടുത്തി നിത്യ മേനോൻ. ഒരു ടെലവിഷന്‍ ചാനലിന് നല്‍കിയ ഇന്റവ്യൂവിലാണ് താരം രസകരമായ തുറന്നു പറച്ചില്‍ നടത്തിയത്.

അഞ്ജലി മേനോന്റെ സംവിധാനത്തിലൊരുങ്ങിയ ബാംഗ്ലൂർ ഡേയ്സ് സൂപ്പർ ഹിറ്റ് ചിത്രമായിരുന്നു. ബാംഗ്ലൂര്‍ ഡേയ്‌സില്‍ നടാഷ എന്ന അതിഥി വേഷത്തിലാണ് നിത്യ അഭിനയിച്ചത്. പ്രധാനകഥാപാത്രമായ ദിവ്യക്കു വേണ്ടിയാണു അഞ്ജലി മേനോന്‍ നിത്യയെ ക്ഷണിച്ചത്. എന്നാല്‍ മറ്റു ചില ചിത്രങ്ങളുടെ തിരക്കില്‍പെട്ട് നിത്യക്ക് ആ വേഷം ചെയ്യാനായില്ല.പിന്നീട് നസ്രിയ പ്രധാന വേഷം ചെയ്യുകയായിരുന്നു. അതില്‍ പ്രധാന കഥാപാത്രങ്ങളായത് നസ്രിയയും ഫഹദുമായിരുന്നു. സിനിമ റിലീസായ ശേഷം ആ വേഷം ചെയ്യാന്‍ കഴിയാത്തതില്‍ വിഷമം തോന്നിയോ എന്ന ചോദ്യത്തിന് നിത്യ രസകരമായി മറുപടി നല്‍കി.

ആ സെറ്റില്‍ വെച്ചാണ് ഫഹദും നസ്രിയയും തമ്മില്‍ പ്രണയത്തില്‍ ആകുന്നതും വിവാഹം കഴിക്കുന്നതും. അപ്പോള്‍ അവരുടെ വിവാഹത്തിന് കാരണമായത് ഞാനല്ലേ എന്ന് നിത്യാമേനോന്‍ ചോദിക്കുന്നു. രണ്ടുപേര്‍ക്കും അതോര്‍മ്മ വേണമെന്നും നിത്യ പറഞ്ഞു.

nithya menon tells that she is the reason for fahad and nazriya marriage