മാമാങ്കം സിനിമയുടെ പ്രതിസന്ധികൾ അവസാനിക്കുന്നു; മെഗാസ്റ്റാർ എത്തി, ഇനി ഷൂട്ടിംഗ് തുടരും!!!

മെഗാസ്റ്റാർ മമ്മൂട്ടി പ്രധാന വേഷത്തിലെത്തുന്ന മാമാങ്കം വിവാദങ്ങളിൽ അകപ്പെട്ട് പ്രതിസന്ധിയിലായിരുന്നു. സമീപകാലത്ത് മലയാള സിനിമയെ പിടിച്ചുലച്ച വിവാദമാണ് മാമാങ്കം എന്ന ചിത്രവുമായി ബന്ധപ്പെട്ടുണ്ടായത്. നിര്‍മ്മാതാവ് സംവിധായകനെ പ്രൊജക്ടില്‍ നിന്ന് മാറ്റുന്നതുപോലെയുള്ള ഗുരുതരമായ പ്രതിസന്ധിയാണ് ഈ മമ്മൂട്ടിച്ചിത്രത്തിന്‍റെ ഷൂട്ടിംഗിനിടെ ഉണ്ടായത്. പുതിയ സംവിധായകനായി എം പദ്മകുമാര്‍ എത്തി.

ചിത്രത്തിന്‍റെ മൂന്ന് ഷെഡ്യൂള്‍ ഷൂട്ടിംഗ് പൂര്‍ത്തിയായിരുന്നു. ആ മൂന്ന് ഷെഡ്യൂളുകളില്‍ ചിത്രീകരിച്ച ഭാഗങ്ങളില്‍ കുറച്ചുമാത്രമാണ് ഉപയോഗിക്കുക എന്ന് നിര്‍മ്മാതാവ് അറിയിച്ചിട്ടുണ്ട്. ബാക്കി എല്ലാ രംഗങ്ങളും ആദ്യം മുതല്‍ ചിത്രീകരിക്കും. മമ്മൂട്ടി അടുത്ത 60 ദിവസം മാമാങ്കത്തിന്‍റെ ചിത്രീകരണത്തില്‍ പങ്കെടുക്കും.

ഈ 60 ദിവസത്തിനുള്ളില്‍ മമ്മൂട്ടി ഉള്‍പ്പെടുന്ന എല്ലാ രംഗങ്ങളും ചിത്രീകരിച്ച്‌ തീര്‍ക്കാനാവുമെന്ന് എം പത്മകുമാര്‍ ഉറപ്പ് നല്‍കിയിട്ടുണ്ട്. ഓണത്തിന് ചിത്രം റിലീസ് ചെയ്യാനാണ് പദ്ധതിയിട്ടിരിക്കുന്നത്.

ഉണ്ണി മുകുന്ദന്‍ ഉള്‍പ്പടെ മുൻപ് ഈ പ്രൊജക്ടിന്‍റെ ഭാഗമല്ലാതിരുന്ന താരങ്ങള്‍ ഇനി മുതലുള്ള ഷൂട്ടിംഗില്‍ പങ്കെടുക്കും. കാവ്യാ ഫിലിംസ് നിര്‍മ്മിക്കുന്ന ചിത്രത്തിന്‍റെ ആക്ഷന്‍ കോറിയോഗ്രാഫി ശ്യാം കൌശല്‍ ആണ്.

mamankam cinema shooting restarted