ടിക് ടോക്കിൽ തിളങ്ങി…മജേഷ് ഇനി ബിഗ്‌സ്‌ക്രീനിലെ താരം

ടിക് ടോക്കിൽ തിളങ്ങി…മജേഷ് ഇനി ബിഗ്‌സ്‌ക്രീനിലെ താരം

ടിക് ടോക് താരമായ മജേഷിനെ ഇനി ബിഗ് സ്‌ക്രീനിൽ കാണാം. വ്യത്യസ്ത ടിക് ടോക് വീഡിയോകളിലൂടെ സോഷ്യല്‍ മീഡിയയില്‍ നിരവധി ആരാധകരെ നേടിയെടുത്ത മജേഷ് ചോതി എന്ന മജയാണ് അനസ് കടലുണ്ടി സംവിധാനം ചെയ്യുന്ന 1994 എന്ന ചിത്രത്തിലൂടെയാണ് ബിഗ്‌ സ്‌ക്രീനില്‍ എത്തുന്നത്.

ചുമട്ടുതൊഴിലാളിയായ മജയ്ക്ക് ഭാര്യയാണ് ടിക് ടോക് പരിചയപ്പെടുത്തിയത്. പിന്നീട് അദ്ദേഹവും കൂട്ടുകാരുമൊക്കെയായി നിരവധി ടിക് ടോക് വീഡിയോകള്‍ ഒരുക്കി സോഷ്യല്‍ മീഡിയയില്‍ ഇടുകയായിരുന്നു. ഇവയൊക്കെ ഏറെ വൈറലുമായിട്ടുണ്ട്.

തേപ്പുകഥകള്‍ ഏറെ ടിക് ടോകിലൂടെ ആളുകള്‍ പുറത്തു വിട്ട് തുടങ്ങിയപ്പോള്‍ മജ മറ്റൊരു വീഡിയോ ഇറക്കി ഏറെ വൈറലായിരുന്നു. അതില്‍ മജേഷ് പറഞ്ഞത് ഇങ്ങിനെയായിരുന്നു, ‘നിങ്ങളൊക്കെ പറയുന്ന തേപ്പിന്റെ കഥകളല്ല. ദേ ഈ നില്‍ക്കുന്നു എട്ടു വര്‍ഷത്തെ പ്രേമം. ഒന്‍പത് വര്‍ഷത്തോളം നീണ്ട ദാമ്പത്യം. അല്ലാതെ തേപ്പൊന്നുമല്ല മക്കളെ, ഇതൊക്കെയാണ് ലൈഫ്..’ ഭാര്യയുമൊത്തുള്ള മജേഷിന്റെ ഈ ടിക് ടോക് വീഡിയോകള്‍ക്ക് ഒരു ലക്ഷത്തിലേറെ ലൈക്കുകളും നിരവധി ഷെയറുകളുമാണ് ലഭിച്ചത്.

ടിക് ടോക് വീഡിയോയ്ക്ക് താഴെ ഒരു മെസേജാണ് മജയെ തേടിയെത്തിയത്. അഭിനയിക്കാന്‍ താത്പര്യമുണ്ടോ എന്നായിരുന്നു ചോദ്യം. അപ്പോള്‍ തന്നെ താന്‍ യെസ് എന്ന് പറഞ്ഞുവെന്നും മജേഷ് മാധ്യമങ്ങളോട് പറയുന്നു.ടിക് ടോക്കിലൂടെ ഇതിനകം നിരവധിപേർ സിനിമയിലെത്തിയിട്ടുണ്ട്.

tik tok hero maju’s new movie