കഴുത്തിലും കാതിലും നിറയെ ആഭരണങ്ങളും അണിഞ്ഞ് നവവധുവിനെപ്പോലെ അതീവ സുന്ദരിയായി മാളവിക! വളകാപ്പ് വീഡിയോ വൈറൽ

മലയാളികളുടെ ഇഷ്ട താരങ്ങളാണ് മാളവിക കൃഷ്ണദാസും തേജസ് ജ്യോതിയും. ഒന്നരവർഷം മുമ്പായിരുന്നു ഇരുവരുടെയും വിവാ​ഹം. ​ ഇരുവരും ഇപ്പോൾ തങ്ങൾക്കിടയിലേക്ക് പുതിയൊരു അതിഥി വരുന്ന ത്രില്ലിലാണ്. കാരണം മാളവിക ഏഴ് മാസം ​ഗർഭിണിയാണ്. ഗർഭിണിയായശേഷം സ്റ്റേജ് പ്രോ​ഗ്രാമുകളിൽ നിന്നും നൃത്തത്തിൽ നിന്നുമെല്ലാം മാളവിക ചെറിയൊരു ഇടവേള എടുത്തിരിക്കുകയാണ്. യുട്യൂബ് ചാനലിലും സജീവമായ മാളവിക പങ്കിട്ട ഏറ്റവും പുതിയ വീഡിയോയാണ് വൈറലാകുന്നത്. പ്രസവം അടുക്കുമ്പോൾ നടത്താറുള്ള വളകാപ്പ് ചടങ്ങ് ഭർത്താവിനും കുടുംബത്തിനുമൊപ്പം ആ​ഘോഷമായി നടത്തിയതിന്റെ വീഡിയോയാണ് യുട്യൂബ് ചാനലിൽ മാളവിക ഏറ്റവും പുതിയതായി പങ്കിട്ടത്.

പച്ചയും ഓറഞ്ചും നിറത്തിലുള്ള ഹെവി ബോർഡർ പട്ടുസാരിയുടുത്താണ് മാളവിക വളകാപ്പിന് എത്തിയത്. മുല്ലപ്പൂവും കഴുത്തിലും കാതിലും നിറയെ ആഭരണങ്ങളും അണിഞ്ഞ് നവവധുവിനെപ്പോലെ അതീവ സുന്ദരിയായിരുന്നു ചടങ്ങിൽ മാളവിക. ഒലിവ് ​ഗ്രീൻ നിറത്തിലുള്ള കുർത്തയും കസവ് മുണ്ടുമായിരുന്നു തേജസിന്റെ വേഷം. മാളവികയുടെ കയ്യിൽ കുപ്പിവളകൾ അണിയിച്ച് കൊടുക്കുന്ന തേജസിനേയും വീഡിയോയിൽ കാണാം. നിമിഷങ്ങൾക്കുളിലാണ് വളകാപ്പ് വീഡിയോ വൈറലായത് .