കൽക്കി കോമ്പോ ഒരുമിക്കുന്നു? പ്രഭാസും ദിഷാ പഠാനിയും ഡേറ്റിം​ഗിൽ? നടിയുടെ ടാറ്റൂ വൈറലാകുന്നു!

കൽക്കി 2898 AD എന്ന ചിത്രത്തിലൂടെ പ്രഭാസും ദിഷാ പഠാനിയും പുതിയ താര ജോഡികളായിരിക്കുകയാണ്. മികച്ച പ്രതികരണമാണ് ഇരുവരും ഒന്നിച്ചപ്പോൾ ലഭിച്ചത്. എന്നാൽ അതിനു പിന്നാലെ നടൻ പ്രഭാസും ബോളിവുഡ് താരം ദിഷാ പഠാനിയും ഡേറ്റിം​ഗിലെന്ന തരത്തിലുള്ള അഭ്യൂഹങ്ങളാണ് പുറത്ത് വരുന്നത്.

അതേസമയം കൽക്കി 2898 AD തിയറ്ററിൽ മികച്ച പ്രതികരണം നേടി മുന്നേറുകയാണ്. ഇതിനിടെയാണ് ഇടതു കൈയിൽ PD ടാറ്റൂവുമായി ​ദിഷയെ പപ്പരാസികൾ കാണുന്നത്. ഇതാണ് ഡേറ്റിം​ഗ അഭ്യൂഹങ്ങൾ പരത്താൻ കാരണമായത്. P അർത്ഥമാക്കുന്നത് പ്രഭാസിനെയെന്നാണ് നെറ്റിസൺസ് വാദിക്കുന്നത്.

ഇതോടെ ടോളിവുഡ‍ിലെയും ബോളിവുഡിലെയും പുതിയ ചർച്ചയായി ഇരുവരും. മാത്രമല്ല സ്ക്രീനിൽ തകർത്ത ഈ ജോഡികൾ ജീവിതത്തിലും ഒന്നിക്കണമെന്നാണ് ആരാധകരുടെ ആഗ്രഹം.

എന്നാൽ ബാഹുബലി ഇറങ്ങിയപ്പോൾ പ്രഭാസ് അനുഷ്‌ക ഷെട്ടി എന്നിവരുടെ കോമ്പോ ആയിരുന്നു ആരാധകരുടെ മനംകവർന്നത്. മാത്രമല്ല നേരത്തെ ദിഷാ പഠാനി ടൈ​ഗർ ഷ്രോഫുമായി ഡേറ്റിം​ഗിലായിരുന്നെങ്കിലും അടുത്തിടെ വേർപിരിഞ്ഞിരുന്നു. ആ സമയത്തും ഇരുവരും ബന്ധം സ്ഥിരീകരച്ചിരുന്നില്ല.