ആ സംഭവം വളരെ ദു:ഖകരമാണ്… ബാലചന്ദ്രൻ ചുള്ളിക്കാടിന് മാന്യമായ പ്രതിഫലം നൽകാൻ ഉടനെ നടപടിയെടുത്തു!! സച്ചിദാനന്ദൻ

അന്താരാഷ്ട്ര സാഹിത്യോത്സവത്തിൽ പ്രഭാഷണത്തിനെത്തിയ എഴുത്തുകാരൻ ബാലചന്ദ്രൻ ചുള്ളിക്കാടിന് മാന്യമായ പ്രതിഫലം നൽകാൻ നടപടിയെടുത്തെന്ന് കേരള സാഹിത്യ അക്കൗദമി അദ്ധ്യക്ഷൻ കെ സച്ചിദാനന്ദൻ. ബാലചന്ദ്രൻ ചുള്ളിക്കാടിനോട് അക്കൗണ്ടിന്റെ വിവരങ്ങൾ അയച്ചുതരാൻ പറഞ്ഞിട്ടുണ്ടെന്നും അദ്ദേഹം മാദ്ധ്യമങ്ങളോട് പറഞ്ഞു. നിലവിൽ നൽകിയ തുക നിയമപ്രകാരം കുറവല്ലെന്നും സംഘാടനത്തിൽ വന്ന പിഴവാണെന്നും സച്ചിദാനന്ദൻ കൂട്ടിച്ചേർത്തു.

വളരെ ചെറിയ തുക കൊണ്ട് നടത്തുന്ന ഉത്സവവമാണ്.സാധാരണ എല്ലാ എഴുത്തുകാർക്കും നൽകുന്നത് ആയിരം രൂപയാണ്. പിന്നെ കിലോമീറ്റർ കണക്കാക്കിയുള്ള രീതിയാണ് പണ്ടുമുതലേ അവലംബിച്ച് പോരുന്നത്. അത് യാന്ത്രികമായി പിന്തുടരുകയാണ് ഓഫീസ് ചെയ്തത്. പക്ഷേ ബാലചന്ദ്രന്റെ കാര്യം അദ്ദേഹം വളരെക്കൂടുതൽ സംസാരിച്ചു. അതുകൊണ്ട് ബാലചന്ദ്രന് ആവശ്യമായ രീതിയിലുള്ള പ്രതിഫലം നൽകാൻ തീരുമാനമുണ്ടായിട്ടുണ്ട്.’- സച്ചിദാനന്ദൻ വ്യക്തമാക്കി. ‘ഞാൻ ഇങ്ങനെ എഴുതിയിട്ടുണ്ട് മാഷേ, മാഷിനെ ഉദ്ദേശിച്ചല്ലെന്നും പൊതുവായിട്ടാണെന്നും പറഞ്ഞ് ബാലൻ എനിക്ക് അയച്ചുതന്നിരുന്നു. ആ സംഭവം വളരെ ദു:ഖകരമാണ്. ഉടനെ നടപടിയെടുത്തു.’- – അദ്ദേഹം വ്യക്തമാക്കി..