നാട്ടുകാര്‍ വന്ന് വിളിച്ചപ്പോഴാണ് അറിയുന്നത്; നടന്‍ ബിജു പപ്പന്റെ തിരുവനന്തപുരത്തെ വീട്ടില്‍ വെള്ളം കയറി

രണ്ടുദിവസമായി തുടരുന്ന കനത്ത മഴയെ തുടര്‍ന്ന് നടന്‍ ബിജു പപ്പന്റെ തിരുവനന്തപുരത്തെ വീട്ടില്‍ വെള്ളം കയറി. രാത്രി ഒരുമണിയോടെയാണ് വീട്ടില്‍ വെള്ളം കയറിയതെന്നും നാട്ടുകാര്‍ വിളിച്ചപ്പോഴാണ് താന്‍ അറിഞ്ഞതെന്നും ബിജു പപ്പന്‍ പറഞ്ഞു.

‘അകത്ത് മൊത്തം വെള്ളമാണ്. നാട്ടുകാര്‍ വന്ന് വിളിച്ചപ്പോഴാണ് അറിയുന്നത്. അതുകൊണ്ട് കുറച്ച് സാധാനങ്ങളൊക്കെ എടുത്ത് മാറ്റിവെക്കാന് കഴിഞ്ഞു. നമ്മുക്ക് മാത്രമല്ല ഈ പ്രദേശത്തെ ഒരുപാട് ആളുകള്‍ ഇതനുഭവിക്കുന്നുണ്ട്. കുടുംബക്കാര്‍ മുഴുവന്‍ ഇവിടെ തന്നെയാണ്’ എന്ന് ബിജു പപ്പന്‍ പറഞ്ഞു.

ഇന്നലെ പുലര്‍ച്ചെ ഒരു മണി മുതല്‍ മഴ കനത്തത്തോടെയാണ് സമീപ പ്രദേശങ്ങളിലെ വീടുകളില്‍ വെള്ളം കയറുന്ന അവസ്ഥയുണ്ടായത്. ഇത്തരമൊരു വെള്ളപ്പൊക്കം ഇതിന് മുന്‍പ് ഈ ഭാഗത്ത് ഉണ്ടായിട്ടില്ലെന്നാണ് പ്രദേശവാസികള്‍ പറയുന്നത്.

കൂടാതെ രണ്ടുദിവസമായി തുടരുന്ന മഴയില്‍ തിരുവനന്തപുരത്തെ താഴ്ന്ന പ്രദേശങ്ങളിലും വെള്ളം കയറുന്ന സാഹചര്യമാണ് ഇപ്പോള്‍ ഉണ്ടായിരിക്കുന്നത്.