നടന്‍ പവന്‍ നാഗരാജു അന്തരിച്ചു

നടന്‍ പവന്‍ നാഗരാജു അന്തരിച്ചു. വെള്ളിയാഴ്ച രാവിലെ അഞ്ച് മണിയോടെ മുംബൈയിലെ വീട്ടിലാണ് താരത്തെ മരിച്ച നിലയില്‍ കണ്ടെത്തിയത്. ഹൃദയാഘാതത്തെ തുടര്‍ന്നാണ് മരണം സംഭവിച്ചിരിക്കുന്നതെന്നാണ് പ്രാഥമിക നിഗമനം.

ഹിന്ദി, തമിഴ് ടെലിവിഷന്‍ സീരിയലുകളിലൂടെ പ്രേക്ഷകര്‍ക്ക് പ്രിയങ്കരനായിരുന്നു നാഗരാജു. കര്‍ണാടകയിലെ മാണ്ഡ്യ സ്വദേശിയാണ് പവന്‍. തിങ്കളാഴ്ചയോടെ മുംബൈയില്‍ നിന്ന് മൃതദേഹം ജന്മനാട്ടിലേയ്ക്ക് എത്തിക്കും. ഷൂട്ടിങ്ങുമായി ബന്ധപ്പെട്ടാണ് അദ്ദേഹം മുബൈയിലേയ്ക്ക് കുടുംബത്തോടൊപ്പം താമസം മാറ്റുന്നത്.

പ്രിയ താരത്തിന്റെ വിയോഗത്തില്‍ അനുശോചനം രേഖപ്പെടുത്തുകയാണ് പ്രിയപ്പെട്ടവര്‍.

സിനിമ – സീരിയല്‍ മേഖലകളില്‍ നിന്നായി താരങ്ങളുടെ വിയോഗ വാര്‍ത്ത ഏവരേയും ഞെട്ടിക്കുന്നതാണ്. 2021-ലെ പുനിത് രാജ്കുമാറിന്റെ മരണ വാര്‍ത്തയും ഈയടുത്തിടെ കേട്ട നടി സ്പന്ദയുടെ മരണവുമെല്ലാം ഞെട്ടിയ്ക്കുന്നതാണ്. യുവ താരങ്ങളുടെ അപ്രതീക്ഷിത മരണത്തിന്റെ ഞെട്ടല്‍ മാറുന്നതിന് മുന്‍പാണ് പവന്റെ വിയോഗം.