ഒരുവര്‍ഷത്തിന് ശേഷം അമ്മയെ കാണാന്‍ പോവുകയാണ്, ചെന്നൈയിലേക്ക് പോവുന്ന സന്തോഷം പങ്കുവെച്ച് ; ബാല

അൻപ്’ എന്ന തമിഴ് സിനിമയിലൂടെ അഭിനയലോകത്തേക്ക് എത്തിയ താരമാണ് ബാല. തുടർന്ന് മമ്മൂട്ടി ചിത്രം ബിഗ് ബിയിലൂടെ മലയാള സിനിമയിലേക്കും എത്തിയ താരത്തിന് ഒട്ടേറെ ആരാധകരാണ് ഉള്ളത്. മലയാളം, തമിഴ് ഭാഷകളിൽ സജീവമായി മുന്നേറിയിരുന്ന സമയത്തായിരുന്നു ബാല ഗായികയായ അമൃത സുരേഷിനെ പരിചയപ്പെടുന്നതും വിവാഹം കഴിക്കുന്നതും. . ജീവിതത്തിലെ അപ്രതീക്ഷിത പ്രതിസന്ധി നേരിടുമ്പോള്‍ കേരളക്കര ഒന്നടങ്കം അദ്ദേഹത്തിനൊപ്പമായിരുന്നു. ബാലയുടെ ആരോഗ്യാവസ്ഥയെക്കുറിച്ച് വിവരിച്ച് എലിസബത്ത് ഉദയനും സജീവമായിരുന്നു. യൂട്യൂബ് ചാനലുമായി സജീവമാണ് എലിസബത്ത് ഉദയന്‍.

കൃത്യം ഒരുവര്‍ഷത്തിന് ശേഷമാണ് ഞങ്ങള്‍ ചെന്നൈയിലേക്ക് പോവുന്നത്. വീട്ടില്‍ എല്ലാവരും ഞങ്ങളെ കാത്തിരിക്കുകയാണ്. ഞാന്‍ ആശുപത്രിയില്‍ നിന്നും തിരികെ വന്നിരുന്നില്ലെങ്കില്‍ എന്റെ അമ്മയ്ക്ക് എന്നെ കാണാന്‍ പറ്റുമായിരുന്നില്ല. അതേക്കുറിച്ച് ഞാന്‍ ചോദിച്ചപ്പോള്‍ അമ്മയ്ക്ക് സങ്കടമായിരുന്നു. കൂളിംഗ് ഗ്ലാസൊക്കെ വെച്ച് സ്‌റ്റൈലിഷായി ഞങ്ങള്‍ അമ്മയെ കാണാന്‍ പോവുകയാണ്. ജീവന്‍ തിരികെ കിട്ടിയതിനും, എനിക്കും എലിസബത്തിനും വേണ്ടി പ്രാര്‍ത്ഥിച്ച എല്ലാവരോടും നന്ദി പറയുന്നു.ഈ ദിവസം ഞാന്‍ അനുഭവിക്കുന്ന സന്തോഷം എത്രത്തോളമാണെന്ന് പറഞ്ഞറിയിക്കാനാവില്ല.

എന്റെ ചേച്ചിയേയും സഹോദരനേയുമെല്ലാം കാണാന്‍ പോവുന്നു. അമ്മയെ കാണുന്നു, സുഹൃത്തുക്കളെയും ബന്ധുക്കളെയും കാണുന്നു. ഇത്രയും കാലത്തിന് ശേഷമായാണ് അവര്‍ എന്നെ ജീവനോടെ കാണാന്‍ പോവുന്നത്. അതിന് ഞാന്‍ മലയാളികളോട് കടപ്പെട്ടിരിക്കുന്നുവെന്നുമായിരുന്നു ബാല പറഞ്ഞത്.
ദൈവം നിങ്ങള്‍ക്കൊരു രണ്ടാം ജന്മം തന്നതാണ്. എന്നും സന്തോഷത്തോടെ ഇരിക്കുക. ഇനിയെന്തിനാണ് മരണത്തെക്കുറിച്ച് സംസാരിക്കുന്നത്. ദൈവം ജീവിതം തിരികെ തന്നതല്ലേയെന്നുമായിരുന്നു ആരാധകരുടെ ചോദ്യങ്ങള്‍. നിമിഷനേരം കൊണ്ട് തന്നെ ബാലയുടെ വീഡിയോ വൈറലായി മാറിക്കഴിഞ്ഞിട്ടുണ്ട്.