അത്ഭുതപ്പെടുത്തുന്ന ആലാപനമികവുമായി ” സ്റ്റാർ സിങ്ങർ സീസൺ 9 ഉടൻ വരുന്നു

മലയാളത്തിലെ ഏറ്റവും വലിയ റിയാലിറ്റി ഷോ, സ്റ്റാർ സിങ്ങർ ഒൻപതാം സീസൺ ഏഷ്യാനെറ്റിൽ ഉടൻ ആരംഭിക്കുന്നു. ഇതിനായുള്ള ഒഡിഷനുകൾ കേരളത്തിന്റെ വിവിധ ഭാഗങ്ങളിൽ നടത്തിയിരുന്നു .അത്ഭുതപ്പെടുത്തുന്ന ആലാപനമികവുമായി ” സ്റ്റാർ സിങ്ങർ സീസൺ 9 ” ഏഷ്യാനെറ്റിൽ സംപ്രേക്ഷണം ചെയ്യുന്നു.

കേരളത്തിന്റെ വിവിധ ഭാഗങ്ങളിൽ ആയിരങ്ങൾ പങ്കെടുത്ത ഓഡിഷനുകളിൽ നിന്നും തെരഞ്ഞെടുത്ത 16 പേരാണ് സ്റ്റാർ സിങ്ങർ സീസൺ 9 യുടെ വേദിയിൽ എത്തുന്നത്.
ആലാപനമികവ് വിലയിരുത്താനെത്തുന്നത് പ്രശസ്ത ഗായകരായ കെ എസ് ചിത്ര , സിതാര , വിധു പ്രതാപ് എന്നിവരാണ്. ഈ ഷോയുടെ അവതാരകയായി എത്തുന്നത് ആർ ജെ വർഷയാണ്.
സ്റ്റാർ സിങ്ങർ സീസൺ 9 ന്റെ ഔദ്യോഗിക ഉദ്ഘാടനം പ്രശസ്ത സംഗീതസംവിധായകനും ഓസ്കാർ അവാർഡ് ജേതാവുമായ കീരവാണിയും , മമ്ത മോഹൻദാസ് , വിധികർത്താക്കളായ കെ എസ് ചിത്ര , സിതാര , വിധു പ്രതാപ് ഏഷ്യാനെറ്റ് ചാനൽ ഹെഡ് കിഷൻ കുമാർ തുടങ്ങിയവർ ചേർന്ന് ഭദ്രദീപം കൊളുത്തി നിർവഹിച്ചു .

സ്റ്റാർ സിങ്ങർ സീസൺ 9 ന്റെ ലോഞ്ച് ഇവന്റിൽ അവസാനഘട്ടഓഡിഷനിൽ വന്ന 32 മത്സരാര്ഥികളിൽ നിന്നും 16 പേരെ തിരഞ്ഞെടുക്കുകയും പ്രേക്ഷകർക്ക് പരിചയപ്പെടുത്തുകയും ചെയ്തു.
സ്റ്റാർ സിങ്ങർ സീസൺ 9 ലോഞ്ച് ഇവന്റ് ജൂലൈ 15,16 തീയതികളിൽ ( ശനി , ഞായർ ) വൈകുന്നേരം 7 മണി മുതൽ ഏഷ്യാനെറ്റിൽ സംപ്രേക്ഷണം ചെയ്യുന്നു .
” സ്റ്റാർ സിങ്ങർ സീസൺ 9 ” ജൂലൈ 22 മുതൽ ശനി , ഞായർ ദിവസങ്ങളിൽ രാത്രി 7 .30 നു പ്രേക്ഷകർക്ക് മുന്നിൽ എത്തുന്നു .