രജനികാന്തിന്റെ പടയപ്പ 2 വരുന്നു, വില്ലനായെത്തുന്നത് മോഹൻലാലെന്ന് സൂചന !!

രജനികാന്തിന്റെ പടയപ്പ 2 വരുന്നു, വില്ലനായെത്തുന്നത് മോഹൻലാലെന്ന് സൂചന !!

തമിഴ് സിനിമയിലെ ഏറ്റവും വലിയ ഹിറ്റുകളിൽ ഒന്നായിരുന്നു രജനികാന്ത് നായകനായി 1999ൽ പുറത്തിറങ്ങിയ ‘പടയപ്പ’. കെ.എസ് രവികുമാർ സംവിധാനം ചെയ്‌ത ചിത്രം അന്നു വരെയുള്ള കളക്ഷൻ റെക്കോർഡുകളെല്ലാം തന്നെ തിരുത്തിക്കുറിക്കുകയുണ്ടായി. ചിത്രത്തിലെ ലുക്കും ഡയലോഗുമെല്ലാം വൻ ഹിറ്റായി മാറുകയും ചെയ്‌തു.

ഇപ്പോഴിതാ പടയപ്പക്ക് രണ്ടാം ഭാഗം വരുന്നു എന്ന വാർത്തകളാണ് പുറത്തുവന്ന് കൊണ്ടിരിക്കുന്നത്. രജനികാന്ത് നായകനാകുന്ന ചിത്രം സംവിധാനം ചെയ്യുന്നത് കെ.എസ് രവികുമാർ തന്നെയാണ്. പടയപ്പയുടെ രണ്ടാം ഭാഗം ആദ്യഭാഗത്തേക്കാൾ മികച്ചതാക്കണമെന്ന ആഗ്രഹമാണ് കെ.എസ് രവികുമാറിനുള്ളത്. മലയാളി പ്രേക്ഷകർക്ക് ഒരു സന്തോഷവാർത്തകൂടി ഇതിനോടൊപ്പമുണ്ട്.

പടയപ്പ 2 വിൽ രജനികാന്തിന്റെ വില്ലനായി പരിഗണിക്കുന്നത് മോഹൻലാലിനെയാണ് എന്നതാണ് ആ സന്തോഷവാർത്ത. രജനികാന്തിനെതിരെ, ഒരുപക്ഷേ അതിനേക്കാള്‍ മികച്ച അഭിനയപ്രാധാന്യമുള്ള കഥാപാത്രമായിരിക്കും അത്. അതുകൊണ്ടുതന്നെ, മോഹന്‍ലാലിനാണ് ആദ്യ പരിഗണനയെന്നാണ് അറിയാന്‍ കഴിയുന്നത്.

എല്ലാ വർഷവും ഒരു അന്യഭാഷാചിത്രത്തിൽ മോഹൻലാൽ ഇപ്പോൾ അഭിനയിക്കാറുണ്ട്. സൂര്യയുടെ തമിഴ് ചിത്രത്തില്‍ ഒരു സുപ്രധാന കഥാപാത്രത്തെ അവതരിപ്പിച്ചുകൊണ്ടിരിക്കുകയാണ് അദ്ദേഹമിപ്പോൾ. അടുത്ത വര്‍ഷം പടയപ്പ 2 ആയിരിക്കും മോഹൻലാലിൻറെ അന്യഭാഷാ ചിത്രം എന്ന സാധ്യതയിലേക്കാണ് ഇത് വിരല്‍ ചൂണ്ടുന്നത്.

Mohanlal act as a villain in Rajanikanth’s Padayappa 2