പത്ത് വര്‍ഷങ്ങളോളം നീണ്ട വിവാഹമോചന കേസ്; ഒടുവില്‍ വേര്‍പിരിഞ്ഞ് ഹോളിവുഡ് താരം അര്‍ണോള്‍ഡ് ഷ്വാര്‍സനെഗറും മരിയ ഷിവറും

ഹോളിവുഡ് താരം അര്‍ണോള്‍ഡ് ഷ്വാര്‍സനെഗറും മരിയ ഷിവറും വിവാഹമോചിതരായി. 2011 മുതല്‍ ഇരുവരും പിരിഞ്ഞു ജീവിക്കുകയായിരുന്നു.

കുട്ടികളുടെ അവകാശവുമായി ബന്ധപ്പെട്ടും സാമ്പത്തികവുമായ തര്‍ക്കങ്ങളെ തുടര്‍ന്നുമാണ് വിവാഹമോചനകേസ് പത്ത് വര്‍ഷത്തോളം നീണ്ടത്.

മക്കള്‍ ഇപ്പോള്‍ പ്രായപൂര്‍ത്തിയായതിനാല്‍ ഇനി ഇതെക്കുറിച്ച് തര്‍ക്കമില്ല. 1986 ലായിരുന്നു അര്‍ണോള്‍ഡും മാധ്യമപ്രവര്‍ത്തകയായ മരിയയും വിവാഹിതരായത്. ഈ ബന്ധത്തില്‍ കാതറിന്‍, ക്രിസ്റ്റീന, പാട്രിക്, ക്രിസ്റ്റഫര്‍ എന്നിങ്ങനെ നാല് മക്കളുണ്ട്.

ഇരുവരുടെയും സാമ്ബത്തികമായ പ്രശ്‌നങ്ങളും ഒത്തുതീര്‍പ്പായിട്ടുണ്ട്. വിവാഹമോചനത്തിന് കോടതിയെ സമീപിച്ച ശേഷം തനിക്ക് വീട്ടുജോലിക്കാരിയില്‍ ഒരു മകനുണ്ടെന്ന് അര്‍ണോള്‍ഡ് വെളിപ്പെടുത്തിയിരുന്നു.