മലയാളി കുടുംബ പ്രേക്ഷകരുടെ പ്രിയപ്പെട്ട പരമ്പര രാക്കുയിലെ തുളസിയായി പ്രേക്ഷകരുടെ ഹൃദയത്തിൽ ഇടം നേടിയ താരമാണ് ദേവിക നമ്പ്യാര്‍. അതിന് മുന്‍പും മിനിസ്‌ക്രീനില്‍ നിരവധി കഥാപാത്രങ്ങളെ അവതരിപ്പിച്ചിട്ടുള്ള ദേവിക വൈകാതെ വിവാഹിതയാവാന്‍ പോവുകയാണ്. ഗായകന്‍ വിജയ് മാധവും ദേവികയും തമ്മിലുള്ള വിവാഹനിശ്ചയം മാസങ്ങള്‍ക്ക് മുന്‍പ് നടത്തിയിരുന്നു. ജനുവരിയില്‍ വിവാഹം ഉണ്ടാവുമെന്നാണ് നടിയിപ്പോള്‍ അറിയിക്കുന്നത്. ഒരു മാസികയ്ക്ക് നല്‍കിയ അഭിമുഖത്തിലൂടെ വിവാഹത്തെ കുറിച്ചും മറ്റ് വിശേഷങ്ങളും ദേവികയും വിജയും ആരാധകരുമായി പങ്കുവെക്കുകയാണിപ്പോള്‍.
“തങ്ങളുടേത് അറേഞ്ച്ഡ് മ്യാരേജ് ആണ്. അദ്ദേഹം എന്റെ ബന്ധുവാണ്. അതിനെക്കാള്‍ ഉപരി ഞങ്ങള്‍ നല്ല സുഹൃത്തുക്കളാണ്. ഞങ്ങളൊരുമിച്ച് ഒരു യോഗ കമ്പനി സ്റ്റാര്‍ട്ട് ചെയ്തിരുന്നു. അങ്ങനെ നോക്കിയപ്പോഴാണ് ഇപ്പോള്‍ ഒരുമിച്ചല്ലേ, കല്യാണം കഴിച്ചൂടേ എന്ന ചിന്ത വന്നത്. ഒടുവില്‍ വിവാഹിതരാവാം എന്ന തീരുമാനത്തില്‍ എത്തി. നിശ്ചയം ഫിക്‌സ് ചെയ്തതിന്റെ അടുത്ത ദിവസം ഞാന്‍ അഭിനയിക്കാന്‍ വന്നു. എന്‍ഗേജ്‌മെന്റിന്റെ ഡേറ്റ് ഫിക്‌സ് ചെയ്യുന്ന സമയത്ത് ഞങ്ങള്‍ ലൊക്കേഷനില്‍ ആയിരുന്നു. രാക്കുയിലിന്റെ പ്രൊഡ്യൂസറും മാഷും നല്ല സുഹൃത്തുക്കളാണ്. സെറ്റില്‍ വന്ന സമയത്ത് തന്നെ അമ്മ ഏകദേശം കല്യാണം ഉറപ്പിച്ചിരുന്നു.
തന്റെ വിവാഹത്തെ കുറിച്ച് വീട്ടുകാരുടെ കണ്‍സേണ്‍ എന്താണെന്നും ദേവിക പറഞ്ഞിരുന്നു. ഞാന്‍ സന്തോഷത്തോടെ ഇരുന്നാല്‍ മാത്രം മതി അവര്‍ക്ക്. എനിക്ക് സന്തോഷമാണെങ്കില്‍ അവര്‍ക്കും ഓക്കെ ആണ്. നിലവില്‍ ജനുവരിയില്‍ കല്യാണം നടത്താം എന്നാണ് തീരുമാനിച്ചിരിക്കുന്നത്. ഡേറ്റ് ഇപ്പോഴും തീരുമാനിച്ചിട്ടില്ല. മകര മാസത്തില്‍ നടത്തണമെന്നാണ് വിചാരിക്കുന്നത്. അടുത്ത ബന്ധുക്കളും സുഹൃത്തുക്കളും മാത്രമേ വിവാഹത്തിനുണ്ടാവുകയുള്ളു. അവരുടെ സൗകര്യം കൂടി നോക്കിയിട്ട് ഒരു തീയ്യതി നിശ്ചയിക്കാനാണ് തീരുമാനിച്ചിരിക്കുന്നത്.
കല്യാണം കഴിഞ്ഞാല്‍ അഭിനയം തുടരുമോ എന്ന് ചോദിച്ചാല്‍ അറിയില്ലെന്നാണ് ഉത്തരം. പാട്ട് എന്തായാലും ഉണ്ടാവുമെന്ന് തോന്നുന്നു. നമ്മള്‍ പുതിയൊരു ഫാമിലിയിലേക്ക് ചെല്ലുകയാണല്ലോ. അപ്പോള്‍ അവരുടെ ഇഷ്ടം കൂടി നോക്കി വേണം തീരുമാനിക്കാന്‍. അഭിനയത്തില്‍ ഉണ്ടാവണമെന്നാണ് തന്റെ ആഗ്രഹമെന്നും ദേവിക പറയുന്നു. അതേ സമയം പ്രതിശ്രുത വധുവിനെ കുറിച്ച് വിജയ് മാധവിനോട് ചോദിച്ചാല്‍ ദേവിക ഭയങ്ക പോസിറ്റീവ് ആയിട്ടുള്ള ഒരാളാണെന്നാണ് പറയുക. അതു തന്നെയാണ് അവളില്‍ പോസ്റ്റീവായി കണ്ടിട്ടുള്ളത്.
എന്തെങ്കിലും പ്രഷറോ മറ്റ് പ്രശ്‌നങ്ങളോ വന്നാല്‍ പുള്ളിക്കാരി കാര്യങ്ങള്‍ കൈകാര്യം ചെയ്യുന്നത് ഭയങ്കര പവര്‍ഫുള്‍ ആയിട്ടാണ്. വളരെ സിംപിളുമാണ്. ദേവികയുടെ സീരിയല്‍ ഇപ്പോഴാണ് താന്‍ കാണുന്നത്. അതിന് മുന്നേ അവള്‍ അഭിനയിച്ചിട്ടുള്ള സീരിയലുകളുടെ ഒരു എപ്പിസോഡ് പോലും കണ്ടിട്ടില്ല. സത്യം അതാണെങ്കിലും ഇപ്പോള്‍ അഭിനയിക്കുന്ന സീരിയല്‍ ഞാന്‍ കണ്ടിട്ടുണ്ട്. പിന്നെ ആങ്കര്‍ ചെയ്യുന്ന ഷോ യൂട്യൂബിലൊക്കെ കണ്ടിട്ടുണ്ട്. അതൊക്കെ കൊള്ളാവുന്നതാണെന്നും വിജയ് പറഞ്ഞു.
കേരളക്കരയെയാകെ പിടിച്ച് കുലുക്കിയ സംഭവമായിരുന്നു കൊച്ചിയിൽ നടി ആക്രമിക്കപ്പെട്ട കേസ്. 2017 ഫെബ്രുവരി 17നാണ് തൃശൂരിൽ നിന്ന് കൊച്ചിയിലേക്കുള്ള യാത്രയ്ക്കിടെ നടി...
സിനിമയിലെത്തിയില്ലെങ്കിലും നിരവധി ആരാധകരുള്ള താരപുത്രിയാണ് മീനാക്ഷി ദിലീപ്. സോഷ്യൽ മീഡിയയിൽ തന്നെ വളരെ വൈകിയാണ് മീനാക്ഷി സജീവമാകുന്നത്. എന്നിരുന്നാലും ഇടയ്ക്കിടെ മാത്രമാണ്...
മലയാളികളുടെ പ്രിയപ്പെട്ട നടിയാണ് ബിന്ദു പണിക്കർ. നിരവധി ചിത്രങ്ങളിലൂടെ നിരവധി കഥാപാത്രങ്ങൾ അവതിരിപ്പിച്ച് പ്രേക്ഷകരുടെ മനസിനുള്ളിൽ കയറിയ നടി. ഏത് വേഷവും...
ജനപ്രിയ നായകനായ തിളങ്ങി നിൽക്കുന്ന വേളയിലായിരുന്നു ദിലീപിനെ തകർത്തെറിഞ്ഞുകൊണ്ട് നടി ആക്രമിക്കപ്പെട്ട കേസ് പുറത്ത് വരുന്നത്. ദിലീപിന്റെ പേരും ഉയർന്ന് കേട്ടതോടെ...
