Malayalam Breaking News
മാധ്യമങ്ങൾ എന്റെ വാക്കുകൾ വളച്ചൊടിച്ചു – മോഹൻലാൽ
മാധ്യമങ്ങൾ എന്റെ വാക്കുകൾ വളച്ചൊടിച്ചു – മോഹൻലാൽ
മാധ്യമങ്ങൾ എന്റെ വാക്കുകൾ വളച്ചൊടിച്ചു – മോഹൻലാൽ
ദിലീപ് വിഷയത്തിൽ മോഹൻലാൽ പത്രസമ്മേളനത്തിൽ സംസാരിച്ച കാര്യങ്ങൾ ചൂട് പിടിച്ച ചർച്ചകൾക്ക് വഴി വച്ചിരുന്നു. എന്നാൽ തന്റെ വാക്കുകൾ വളച്ചൊടിച്ചെന്ന ആരോപണവുമായി മോഹൻലാൽ രംഗത്ത്. കൊച്ചിയില്‍ ഫെഫ്ക ഡയറക്‌ടേഴ്‌സ് യൂണിയന്റെ യോഗത്തിലാണ് മോഹന്‍ലാല്‍ ഇതേക്കുറിച്ച് പറഞ്ഞത്. എഎംഎംഎ ജനറല്‍ സെക്രട്ടറി ഇടവേള ബാബു, നടന് അജു വര്‍ഗീസ് എന്നിവരും യോഗത്തില്‍ പങ്കെടുത്തു.
മാധ്യമങ്ങള്‍ സംഘടനയെ വേട്ടയാടുകയാണെന്നും വാര്‍ത്തകള്‍ വളച്ചൊടിക്കുകയാണെന്നും ഫെഫ്ക ജനറല്‍ സെക്രട്ടറി ബി ഉണ്ണിക്കൃഷ്ണന്‍ യോഗത്തില്‍ പറഞ്ഞു. ഈ അഭിപ്രായത്തെ ശരിവെച്ചാണ് മോഹന്‍ലാലും സംവിധായകന്‍ രണ്‍ജി പണിക്കരും സംസാരിച്ചത്.
രൂക്ഷവിമര്‍ശനമാണ് രണ്‍ജിപണിക്കര്‍ മാധ്യമങ്ങള്‍ക്കെതിരെ നടത്തിയത്. മാധ്യമങ്ങളില്‍ സംഘടനയുടെ അഭിപ്രായം പറയാന്‍ പാനല്‍ ഉണ്ടാക്കണമെന്ന് സംവിധായകന്‍ സിദ്ദീഖ് നിര്‍ദേശിച്ചു. ദിലീപിനെ സംഘടന പുറത്താക്കിയത് എന്തിനായിരുന്നു എന്നാണ് രാമലീലയുടെ സംവിധായകന്‍ അരുണ്‍ഗോപിക്ക് അറിയേണ്ടിയിരുന്നത്.
mohanlal against media
