നിങ്ങൾ ഒട്ടേറെ സ്ത്രീകൾക്ക് പുത്തൻ ഗോളുകൾ സെറ്റ് ചെയ്തു കൊടുക്കുകയാണ്… പേളി നിങ്ങളൊരു പ്രചോദനം തന്നെയാണ്; അപർണ്ണയുടെ വാക്കുകൾ ശ്രദ്ധ നേടുന്നു

പേളി – ശ്രീനിഷ് ദമ്പതികളുടെ ആറു മാസം പ്രായമുള്ള മകൾ നിലയാണ് ഇപ്പോൾ സോഷ്യൽ മീഡിയയിലെ താരം. ഈ അടുത്ത് നടന്ന സൈമ അവാർഡിൽ പേർളിയ്ക്ക് ഒപ്പം നിലയും എത്തിയിരുന്നു.

നിലയെ ആദ്യമായി കണ്ടതിന്റെ വീഡിയോ പേളിയുടെ സുഹൃത്തും അവതാരകനായി ഗോവിന്ദ് പദ്മസൂര്യ ഷെയർ ചെയ്തത് 1 മില്യണിലേറെ കാഴ്ചക്കാരെ നേടി ഇപ്പോഴും യൂട്യൂബിൽ ട്രെൻഡിങ് ആണ്. നിലയുടെ ആദ്യത്തെ വിമാന യാത്രയെക്കുറിച്ചു പേളിയും ഒരു വീഡിയോ ചെയ്തിരുന്നു.

സൈമ അവാർഡിന് കുഞ്ഞിനൊപ്പം എത്തിയ പേളിയെ പ്രശംസിച്ചുകൊണ്ട് നടി അപർണ ബാലമുരളി പങ്കുവെച്ച വാക്കുകൾ ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നു

“നിങ്ങൾ ഒട്ടേറെ സ്ത്രീകൾക്ക് പുത്തൻ ഗോളുകൾ സെറ്റ് ചെയ്തു കൊടുക്കുകയാണ്. പേളി നിങ്ങളൊരു പ്രചോദനം തന്നെയാണ്. നിങ്ങളാകുന്ന സൂപ്പർ വുമൺ/ സൂപ്പർ മോമിന് ചിയേഴ്സ്. നീയും ശ്രീനിയും ഈ സമയത്തെ ആസ്വദിക്കുന്നത് കാണുന്നത് തന്നെ പരമാനന്ദം. ഇനിയും ആളുകളെ പ്രചോദിപ്പിക്കു.. എന്നാണ് ചിത്രം പങ്കുവെച്ച് അപർണ്ണ കുറിച്ചത്. ഈ കമന്റിന് നന്ദി പറഞ്ഞുകൊണ്ട് പേളിയും ശ്രീനിഷും അപർണയുടെ പോസ്റ്റ് പങ്കുവെച്ചിരുന്നു.

കഴിഞ്ഞ ദിവസം കാണെകാണെ സിനിമാ വിശേഷങ്ങള്‍ ചോദിച്ചുള്ള പേളിയുടെ അഭിമുഖത്തില്‍ താരമായി മാറിയത് നിലയായിരുന്നു. ടൊവിനോ തോമസും ഐശ്വര്യ ലക്ഷ്മിയും ഷംസീറുമായിരുന്നു വിശേഷങ്ങള്‍ പങ്കിടാനെത്തിയത്. ഇവരോട് സംവദിക്കുന്നതിനിടയിലായിരുന്നു നിലയേയും പേളി കൈയ്യിലെടുത്തത്. നില ബേബിയെ കാണാനായതിന്റെ സന്തോഷമായിരുന്നു ടൊവിനോ പ്രകടിപ്പിച്ചത്.