ബെയിലിയെ ചേർത്ത് നിർത്തി മോഹൻലാൽ, സ്റ്റൈലൻ ലുക്കിൽ നടൻ… കൈയ്യിലെ വാച്ചിന് വില കണ്ട് കണ്ണ് തള്ളി സോഷ്യൽ മീഡിയ

പൊന്നോമന നായ ബെയിലിയേയുമെടുത്തുള്ള മോഹൻലാലിന്‍റെ ചിത്രങ്ങൾ സോഷ്യൽ മീഡിയയിൽ വൈറലാകുന്നു. കൂടുതൽ ചെറുപ്പമായി സ്റ്റൈലൻ ലുക്കിലാണ് താരമുള്ളത്. കൈയ്യിൽ കിടക്കുന്ന വാച്ച് ഹബ്ലോട്ട് ബിഗ് ബാംഗ് യുനിക്കോ ഇറ്റാലിയ ഇൻഡിപെൻഡഡ് ബ്ലൂവാണ്. പുതിയ ചിത്രത്തിന് ഒരു മണിക്കൂറിനകം ഇരുപത് ലക്ഷത്തിലേറെ ലൈക്കുകളാണ് ലഭിച്ചിരിക്കുന്നത്. കൂടാതെ രസകരമായ കമൻറുകളുമായി നിരവധിപേർ എത്തിയിട്ടുമുണ്ട്.

ആ കണ്ണുകളിൽ മലയാളികളെ വിസ്മയിപ്പിച്ച നിരവധി കഥാപാത്രങ്ങൾ ജ്വലിച്ച് നിൽക്കുന്നത് പോലെ, ഒടിയൻ ഏല്പിച്ച പരിക്കുകൾ ലാലേട്ടന്റെ മുഖത്തു നിന്നും മാഞ്ഞു തുടങ്ങുന്നു, ആ നോട്ടം ഹൃദയത്തിൽ, എവിടെയോ ആ പഴയ വിൻറേജ് ലാലേട്ടൻ ലുക്ക്‌ വീണ്ടും കാണാൻ കഴിയുന്നു തുടങ്ങിയ കമന്റുകളുമായാണ് ആരാധകർ ചിത്രം ഏറ്റെടുത്തിരിക്കുന്നത്. സ്റ്റൈലിസ്റ്റ് ജിഷാദ് ഷംസുദ്ദീനും ചിത്രങ്ങൾ പകർത്തിയിരിക്കുന്നത് ടിജോ ജോണുമാണ്.

ചിത്രം ഏറ്റെടുത്തതോടെ കൈയ്യിൽ കിടക്കുന്ന വാച്ചേതെന്ന് കണ്ടുപിടിച്ച് വിലയും ചിലർ കമന്റ് ചെയ്യുന്നുണ്ട്. സ്വിസ് ലക്ഷ്വറി വാച്ച് നിര്‍മ്മാതാക്കളായ ‘ഹബ്ലോട്ടി’ന്റെ പുതിയ മോഡലായ ബിഗ് ബാംഗ് യുനിക്കോ ഇറ്റാലിയ ഇൻഡിപെൻഡൻഡ് ബ്ലൂ വാച്ചാണ് കൈയിൽ താരം കെട്ടിയിരിക്കുന്നത്. ഇരുപത് ലക്ഷത്തിനടുത്താണ് വാച്ചിന് ഇന്ത്യൻ വിപണിയിൽ വില.