എന്റെ രണ്ടു പെണ്മക്കളും അവരുടെ അമ്മയുടെ പാത പിന്തുടര്‍ന്നതില്‍ എനിക്ക് അഭിമാനമേയുള്ളൂ… തുറന്ന് പറഞ്ഞ് ജഗദീഷ്

സിനിമയില്‍ സാധാരണയായി താരങ്ങളുടെ മക്കള്‍ അഭിനയ വഴിയിലേക്ക് എത്തുന്നത് പതിവ് കാഴ്ചയാണ് . തന്റെ രണ്ടു പെണ്മക്കളും ഏറെ വിഭിന്നമായ തെരഞ്ഞടുത്തതെന്ന് തുറന്നു പറയുകയാണ് നടന്‍ ജഗദീഷ്.

ഭാര്യ ഡോക്ടര്‍ ആയതിനാല്‍ അതെ പ്രഫഷന്‍ തന്നെ തന്റെ രണ്ടു പെണ്മക്കളും തെരഞ്ഞെടുത്തതിനെക്കുറിച്ച് ഒരു അഭിമുഖ പരിപാടിയില്‍ തുറന്നു പറയുകയാണ് താരം. നടനെന്ന നിലയില്‍ തനിക്ക് കോമഡിയില്‍ നിന്ന് വേറിട്ട വേഷങ്ങളിലേക്ക് മാറാന്‍ കഴിയാതിരുന്നതിന്റെ കാരണത്തെക്കുറിച്ചും ജഗദീഷ് പങ്കുവയ്ക്കുന്നു.

‘എന്റെ രണ്ടു പെണ്മക്കളും അവരുടെ അമ്മയുടെ പാത പിന്തുടര്‍ന്നതില്‍ എനിക്ക് അഭിമാനമേയുള്ളൂ. ‘അഭിനയം’ എനിക്ക് ചെയ്യാന്‍ കഴിയുന്നതാണ്. എനിക്ക് ചെയ്യാന്‍ കഴിയാത്തത് എന്താണോ അത് മറ്റുള്ളവര്‍ക്ക് ചെയ്യാന്‍ സാധിക്കും എന്ന് ചിന്തിക്കുന്നിടത്താണ് എനിക്ക് ബഹുമാനം കൂടുതുന്നത്. പെണ്മക്കള്‍ രണ്ടും മെഡിക്കല്‍ ഫീല്‍ഡ് ആണ്. സിനിമയിലേക്ക് അവര്‍ വന്നില്ല. അവരുടെ പ്രഫഷനെ ഞാന്‍ അത്രത്തോളം ബഹുമാനിക്കുന്നു’.അദ്ദേഹം കൂട്ടിച്ചേര്‍ത്തു.