ആദ്യ ഫിലിം ഫെയർ പുരസ്കാരം ലേലം ചെയ്യാനൊരുങ്ങി വിജയ് ദേവര്കൊണ്ട .
ആദ്യ ഫിലിം ഫെയർ പുരസ്കാരം ലേലം ചെയ്യാനൊരുങ്ങി വിജയ് ദേവര്കൊണ്ട .
അർജുൻ റെഡ്ഢി എന്ന ഒറ്റ സിനിമയിലൂടെ മുൻനിരയിലേക്ക് ഉയർന്ന താരമാണ് വിജയ് ദേവര്കൊണ്ട. അര്‍ജുന്‍ റെഡ്ഡിയിലെ മികച്ച പ്രകടനത്തിന് വിജയ് ദേവാരക്കൊണ്ടക്ക് ഇത്തവണത്തെ മികച്ച തെലുങ്ക് നടനുള്ള ഫിലിം ഫെയര്‍ പുരസ്‌ക്കാരം ലഭിച്ചു.
തനിക്ക് ലഭിച്ച ഫിലിം ഫെയര്‍ പുരസ്‌ക്കാര ശില്‍പ്പം ലേലം ചെയ്യാനൊരുങ്ങുകയാണ് വിജയ് ദേവാരക്കൊണ്ട. ബ്ലാക്ക് ലേഡി എന്ന് അറിയപ്പെടുന്ന ശില്‍പ്പം ലേലം ചെയ്ത് കിട്ടുന്ന പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറാനാണ് വിജയ് ദേവാരക്കൊണ്ടയുടെ ആഗ്രഹം . നേരത്തെ തന്റെ ജന്മദിനത്തിന് എല്ലാ ആരാധകര്‍ക്കും അഭ്യൂദയകാംക്ഷികള്‍ക്കും ഐസ്‌ക്രീം നല്‍കി വിജയ് വാര്‍ത്തകളില്‍ ഇടം നേടിയിരുന്നു.
“പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് എന്ത് കൊണ്ട് ഞാനിത് ചെയ്യുന്നു?, എനിക്ക് കിട്ടിയ ശില്‍പ്പം എന്ത് കൊണ്ട് ലേലം ചെയ്യുന്നു? ഇതിന് പിന്നില്‍ വലിയ ആലോചനകളൊന്നുമില്ല. പെട്ടെന്ന് തോന്നിയ ആലോചനയാണ്. ആന്ധ്രപ്രദേശിലെ ജനങ്ങള്‍ക്ക് നല്ലത് ചെയ്യാനുള്ള ഒരവസരം എന്ത് കൊണ്ട് ഉപയോഗിച്ചൂ കൂടാ ?”
ശില്‍പ്പം എന്റെ ഷെല്‍ഫില്‍ വെറുതെ ഇരിക്കുകയേ ഉള്ളൂ. ജീവിതം വളരെ നീളമേറിയതാണ്. അതിന് ഒരു അര്‍ത്ഥം നല്‍കുന്ന കാര്യമാണ് ഈ ലേലമെന്ന് ഞാന്‍ കരുതുന്നു. മാത്രമല്ല എന്റെ പേരക്കുട്ടികളോട് എനിക്ക് പറയാന്‍ കഴിയുന്ന നല്ല ഒരു കഥ കൂടിയാണിതെന്നും വിജയ് ദേവാരക്കൊണ്ട പറഞ്ഞു.
vijay devarakonda who has plans to auction the filmfare awards trophy
