‘അടിതെറ്റിയാല്‍ പ്രിയയും വീഴും’; ചാട്ടം പിഴച്ച് നിലത്ത് വീണ് പ്രിയ വാരിയര്‍, വൈറലായി വീഡിയോ

ചെക്ക് എന്ന തെലുങ്ക് ചിത്രത്തിന്റെ ഷൂട്ടിങിനെ തനിക്കു സംഭവിച്ച രസകരമായ അബദ്ധം പ്രേക്ഷകരോട് പങ്കുവച്ച് നടി പ്രിയ വാരിയര്‍.

പ്രണയരംഗത്തിനിടെ നായകന്‍ നിഥിന്റെ പുറകില്‍ ചാടിക്കയറാന്‍ ശ്രമിക്കുന്ന പ്രിയ ചാട്ടം പിഴച്ച് നിലത്ത് വീഴുന്നതാണ് വിഡിയോ.

നടി വീണതു കണ്ട് അണിയറ പ്രവര്‍ത്തകര്‍ ഓടി വരുന്നതും വിഡിയോയില്‍ കാണാം. ഇത്രയൊക്കെ സംഭവിച്ചിട്ടും ഷൂട്ടിങ് തുടരാമെന്ന് പ്രിയ പറയുന്നുണ്ട്.

ചന്ദ്ര ശേഖര്‍ സംവിധാനം ചെയ്ത ചെക്ക് സിനിമയില്‍ നിഥിന്റെ നായികയായാണ് പ്രിയ എത്തുന്നത്. രാകുല്‍ പ്രീത് സിങ് ആണ് ചിത്രത്തിലെ മറ്റൊരു താരം. പ്രിയനിഥിന്‍ ജോഡികളുടെ പ്രണയരംഗങ്ങള്‍ കോര്‍ത്തിണക്കിയ ഗാനം ആരാധകരുടെ ഇടയില്‍ ഹിറ്റായിരുന്നു.