വിശേഷങ്ങൾ തിരക്കി ലാലേട്ടൻ, ബിഗ് ബോസ് സ്ക്രിപ്റ്റഡ്‌ ആണോ? ലക്ഷ്മിക്ക് എതിരെ ഭാഗ്യലക്ഷ്മി

ഇന്ന് ബിഗ് ബോസ്സിലെ ആറാം ദിവസമായിരുന്നു കടന്നുപോയത്… ഒരാഴ്ചയോട് അടുക്കുമ്പോൾ ഇന്ന് ആദ്യം എത്തിയത് ലാലേട്ടനായിരുന്നു… അതുകൊണ്ട് തന്നെ ഒരാഴ്ചത്തെ വിശ്വൽ കട്ടിങ്‌സും ഒരാഴ്ച കടന്നു പോയതുമെല്ലാം കാണിച്ചു… എടുത്തുപറയണ്ടല്ലോ ഒരാഴ്ച ഒന്നും സംഭവിച്ചിട്ടില്ല…
ഇന്നും വീക്കിലി ടാസ്‌ക് ഉണ്ടായിരുന്നു. അഡോണി ആയിരുന്നു ജീവിത സാഹചര്യത്തെ കുറിച്ച് പറഞ്ഞ് ആദ്യം എത്തിയത്… മോഹൻലാലിന്റെ ഒരു പരിപാടിയിൽ തനിക്ക് പങ്കെടുക്കാൻ കഴിയാതെ പോയ കഥ പറയുന്നുണ്ട് , അച്ഛൻ ഒരു മുട്ടക്കടകാരൻ ആയത് കൊണ്ടാണ് അന്ന് പങ്കെടുക്കാൻ കഴിയാതെ പോയതെങ്കിൽ ഇന്ന് മോഹൻലാലിന്റെ ബിഗ് ബോസ് ഷോയിൽ എത്തിയിരിക്കുകയാണ്..ഒരുപാട് ശോകം ഒന്നും ഇറക്കാതെ നല്ല രീതിയിൽ അഡോണി കഥ പറഞ്ഞു.

പിന്നാലെ വീക്കിലി ടാസ്കിൽ എത്തിയത് റംസാനായിരുന്നു. വീട് എന്ന ടോപിക് ആണ് വന്നത്. റംസാന്റെ മാമയെ കുറിച്ചും ആദ്യമായി വീട് സ്വന്തമാക്കുന്നത് റിയാലിറ്റി ഷോയിൽ മത്സരിച്ച് സമ്മാനം വാങ്ങിയിട്ട് ആണന്നും റംസാൻ പറയുന്നുണ്ട്.. അതിന് ശേഷം രാത്രിയിൽ അഡോണി തൂക്കുന്നത് കാണിക്കുന്നുണ്ട്… അപ്പോൾ അഡോണിയുടെ ഗ്രോപ്പ് ലീഡർ കൂടിയായ ലക്ഷ്മി എതിർക്കുന്നുണ്ട്. എന്നാൽ രാവിലെ താൻ എഴുന്നേൽക്കാൻ വൈകിയാൽ തൂക്കാൻ കഴിയില്ലെന്നും, പിന്നെ അത് പരാതി ആകുമെന്നും പറഞ്ഞ് അഡോണി തൂക്കുകയാണ്.