ബ്യൂട്ടിപാര്‍ലറുകളില്‍ പോകാറേയില്ല എല്ലാം സ്വയം ചെയ്യും; മുടി സംരക്ഷിക്കുന്നത് ഇങ്ങനെയെന്ന് അനുപമ

പ്രേമം എന്ന ഒറ്റ ചിത്രത്തിലൂടെ തന്നെ മലയാള സിനിമാ പ്രേക്ഷകരുടെ മനസില്‍ ഇടം നേടിയ താരമാണ് അനുപമ പരമേശ്വരന്‍. മറ്റ് ഭാഷാ ചിത്രങ്ങളിലേയ്ക്ക് ചേക്കേറിയെങ്കിലും മലയാളികള്‍ക്ക് അനുപമ ഇപ്പോഴും പ്രിയപ്പെട്ട മേരി തന്നെയാണ്. ഒരു മാധ്യമത്തിന് നല്‍കിയ അഭിമുഖത്തില്‍ തന്റെ മുടി എങ്ങനെ സംരക്ഷിക്കുന്നുവെന്ന് വെളിപ്പെടുത്തിയിരിക്കുകയാണ് താരം ഇപ്പോള്‍.

ചുരുണ്ട മുടി സംരക്ഷിക്കുന്നത് എളുപ്പമുള്ള കാര്യമല്ലെന്നും, അതിനു വേണ്ടി പ്രത്യേകം സമയം കണ്ടെത്താറുണ്ടെന്നുമാണ് നടി പറയുന്നത്. കഴിഞ്ഞ ഡിസംബറിന് ശേഷം മുടിയില്‍ ചീപ്പുപയോഗിച്ചിട്ടില്ല. ചുരുണ്ടമുടി അങ്ങനെതന്നെ നിലനിര്‍ത്താനാണിതെന്നും അനുപമ പറയുന്നു.

അതുപോലെതന്നെ താന്‍ പൊതുവേ ബ്യൂട്ടി പാര്‍ലറില്‍ പോകാറില്ലെന്നും അനുപമ പറയുന്നു. വാക്‌സിങും, ത്രെഡിങുമൊക്കെ ചെയ്യുന്നത് സ്വന്തമായാണെന്നും നടി വ്യക്തമാക്കി. ‘ചുരുക്കം അവസരങ്ങളില്‍ മാത്രമാണ് പാര്‍ലറുകളില്‍ പോകേണ്ടി വന്നിട്ടുള്ളത്. പുരികങ്ങള്‍ ത്രെഡ് ചെയ്യുന്നത് കുറവാണ്. അവയെ വളരാന്‍ അനുവദിക്കും. എക്‌സ്ട്രാ വരുന്നവ പ്ലക് ചെയ്യാറാണ് പതിവ്’എന്നും അനുപമ പറഞ്ഞു.