ലൂസിഫറിന്റ തെലുങ്ക് പതിപ്പിൽ വിവേക് ഒബ്റോയ്ക്ക് പകരം റഹ്മാൻ!

മലയാളി പ്രേക്ഷകരെ ആവേശം കൊള്ളിച്ച മോഹൻലാൽ ചിത്രങ്ങളിൽ ഒന്നായിരുന്നു ലൂസിഫർ.
ഇപ്പോളിതാ ചിത്രം തെലുങ്കിലെത്തുമ്പോൾ വില്ലൻ വേഷത്തിൽ എത്തുക മലയാളത്തിന്റെ പ്രിയതാരം റഹ്മാനായിരിക്കുമെന്നാണ് വാർത്തകൾ വരുന്നത്.നടൻ പൃഥ്വിരാജ് ആദ്യമായി സംവിധാനം ചെയ്ത ലൂസിഫറിലെ വില്ലൻ കഥാപാത്രമായ ‘ബോബി’യെ അവതരിപ്പിച്ചത് വിവേക് ഒബ്റോയ് ആയിരുന്നു.

തെലുങ്ക് ലൂസിഫറിൽ നായകവേഷത്തിൽ എത്തുന്നത് ചിരഞ്ജീവിയാണ്. റീമേക്ക് അവകാശം വാങ്ങിയിരിക്കുന്നതും ചിരഞ്ജീവി തന്നെയാണ്. എന്നാൽ സംവിധായകൻ ആരാണെന്നതു സംബന്ധിച്ച് ഇപ്പോഴും തീരുമാനമായിട്ടില്ല. ഒാഗസ്റ്റിൽ ഇതു സംബന്ധിച്ച് വിശദമായ പ്രഖ്യാപനം ഉണ്ടായേക്കും.

മലയാളത്തിൽ വിവേക് ഒബ്റോയ് അവതരിപ്പിച്ച ബോബി എന്ന കഥാപാത്രം ഏറെ ശ്രദ്ധ നേടിയിരുന്നു. പ്രിയദർശിനി രാംദാസ് എന്ന മഞ്ജു വാര്യരുടെ കഥാപാത്രത്തിന്റെ ഭാർത്താവായി എത്തിയ കഥാപാത്രത്തിന് ശബ്ദം നൽകിയത് നടൻ വിനീത് ആണ്.

about lucifer