ജൂനിയർ ടോവിനോയുടെ പേര് വെളിപ്പെടുത്തി ഇച്ചായൻ

മകന്റെ ആദ്യ ചിത്രം പങ്കു വച്ച് നടൻ ടൊവീനോ തോമസ്. തഹാൻ ടൊവീനോ എന്നാണ് കുഞ്ഞിന് പേരിട്ടിരിക്കുന്നതെന്ന് താരം സമൂഹമാധ്യമത്തിലൂടെ വെളിപ്പെടുത്തി.

‘ഞങ്ങളുടെ കുഞ്ഞിൽ നിന്നും ‌കണ്ണുകളെടുക്കാൻ ആകുന്നില്ല. ഞങ്ങൾ ആവന് തഹാൻ ടൊവീനോ എന്നു പേരിട്ടു. അവനെ ഹാൻ എന്നു ഞങ്ങൾ വിളിക്കും. സ്നേഹത്തിനും ആശംസകൾക്കും ഒരുപാട് നന്ദി. ഒരുപാട് സ്നേഹം’. മൂത്ത മകൾ ഇസയ്ക്കും പുതിയ കുഞ്ഞിനുമൊപ്പമുള്ള ചിത്രം പോസ്റ്റ ചെയ്ത് താരം കുറിച്ചു.

ജൂൺ 6–നാണ് ടൊവീനോ തോമസിനും ഭാര്യ ലിഡിയയ്ക്കും ആൺകുഞ്ഞ് പിറന്നത്.തന്‍റെ ഇന്‍സ്റ്റഗ്രാം -ഫേസ്ബുക്ക് പോസ്റ്റിലൂടെയാണ് ജീവിതത്തിലെ പുതിയ സന്തോഷം അറിയിച്ചു കൊണ്ടുള്ള താരത്തിന്‍റെ പോസ്റ്റ് മിനിറ്റുകള്‍ക്കുള്ളിൽ ആരാധകര്‍ ഏറ്റെടുത്തു. ആയിരക്കണക്കിന് ആളുകളാണ് ആശംസകള്‍ അറിയിച്ചെത്തിയത്. ഫർഹാന്‍ ഫാസിൽ, വിനയ് ഫോർട്ട് തുടങ്ങിയ താരങ്ങളും ആശംസ അറിയിച്ചിട്ടുണ്ട്.

ടൊവിനോ-ലിഡിയ ദമ്പതികൾക്ക് ഇസ എന്ന പേരിൽ ഒരു മകൾ കൂടിയുണ്ട്. മകളുടെ വിശേഷങ്ങളെല്ലാം താരം സോഷ്യൽ മീഡിയ പോസ്റ്റുകളിലൂടെ ആരാധകരുമായി പങ്കു വയ്ക്കാറുമുണ്ട്.