എല്ലാ അനുഗ്രഹവും ലഭിച്ചവന്‍; ആദ്യ കണ്‍മണിയുടെ പേര് വെളിപ്പെടുത്തി നടന്‍ വിക്രാന്ത് മാസി

ട്വല്‍ത്ത് ഫെയില്‍ എന്ന ചിത്രത്തിലൂടെ ശ്രദ്ധേയനായ നടനാണ് വിക്രാന്ത് മാസി. മികച്ച വിജയം നേടിയ ചിത്രത്തിന് പിന്നാലെ തന്റെ ജീവിതത്തിലെ ഒരു സന്തോഷ വാര്‍ത്തയും താരം പങ്കുവച്ചിരുന്നു.

ഫെബ്രുവരി 7 നായിരുന്നു വിക്രാന്ത് മാസിക്കും ഭാര്യ ശീതള്‍ ഠാക്കൂറിനും ആദ്യത്തെ കണ്‍മണി പിറന്നത്.

ഇപ്പോഴിതാ കുഞ്ഞിന്റെ പേര് പങ്കുവച്ചിരിക്കുകയാണ് താരം.’ വരദാന്‍’ എന്നാണ് മകന്റെ പേര്.

സമൂഹമാദ്ധ്യമങ്ങളിലൂടെ കുഞ്ഞിനൊപ്പമുള്ള ചിത്രങ്ങളും പങ്കുവച്ചിരിക്കുകയാണ് താരം. ‘എല്ലാ അനുഗ്രഹവും ലഭിച്ച അവന് ഞങ്ങള്‍ വരദാന്‍ എന്ന് പേര് നല്‍കി’. വിക്രാന്ത് മാസി സമൂഹമാദ്ധ്യമങ്ങളില്‍ പങ്കുവച്ച പോസ്റ്റ്.