ഈ വരുന്ന ജൂണ്‍ രണ്ടിന് തെലങ്കാന സംസ്ഥാനം രൂപീകൃതമായി പത്തുവര്‍ഷം തികയുകയാണ്. ഇതിനോടനുബന്ധിച്ച് വിപുലമായ പരിപാടികളാണ് സംസ്ഥാന സര്‍ക്കാര്‍ ആസൂത്രണം ചെയ്തിരിക്കുന്നത്. അതേസമയം ആഘോഷവേളയില്‍ പുറത്തിറങ്ങേണ്ട ഗാനത്തിനെച്ചൊല്ലി സംസ്ഥാനത്ത് ഒരു വിവാദം പുകഞ്ഞുകൊണ്ടിരിക്കുകയാണെന്നാണ് പുറത്ത് വരുന്ന വിവരം.
ഓസ്‌കര്‍ ജേതാവ് എം.എം. കീരവാണിയ്‌ക്കെതിരെ തെലങ്കാനയിലെ സംഗീതജ്ഞര്‍ ചേര്‍ന്ന് മുഖ്യമന്ത്രി രേവന്ത് റെഡ്ഡിക്ക് കത്തയച്ചിരിക്കുകയാണ്. തെലങ്കാന സംസ്ഥാന രൂപീകരണത്തിന്റെ പത്താം വാര്‍ഷികം പ്രമാണിച്ച് ഒരു സംസ്ഥാന ഗീതം പുറത്തിറക്കാന്‍ സര്‍ക്കാര്‍ തീരുമാനിച്ചിരുന്നു. ജയ ജയ ഹേ തെലങ്കാന എന്ന ഗാനം ചിട്ടപ്പെടുത്താന്‍ എം.എം. കീരവാണിയെയാണ് മുഖ്യമന്ത്രി നിശ്ചയിച്ചിരുന്നത്.
എന്നാല്‍ ഈ തീരുമാനം തെലങ്കാനയിലെ സംഗീതസംവിധായകരെ ചൊടിപ്പിച്ചതാണ് വിവാദത്തിന് കാരണം. കീരവാണി തെലങ്കാന സ്വദേശിയല്ല എന്നതാണ് മുഖ്യമന്ത്രിയുടെ തീരുമാനത്തിനെതിരെ സംസ്ഥാനത്തെ സംഗീതജ്ഞര്‍ എതിര്‍പ്പ് പ്രകടിപ്പിക്കാന്‍ കാരണം. ചരിത്രത്തിലെതന്നെ ഏറ്റവും മോശം തീരുമാനം എന്നാണ് ഇതിനെതിരെ തെലങ്കാന സിനി മ്യൂസിഷ്യന്‍സ് അസോസിയേഷന്‍ മുഖ്യമന്ത്രിക്കയച്ച കത്തില്‍ പറയുന്നത്.
സംസ്ഥാനഗീതം ചിട്ടപ്പെടുത്താന്‍ മറ്റൊരു സംസ്ഥാനത്തുനിന്നുള്ള സംഗീതസംവിധായകനെ ചുമതലപ്പെടുത്തുന്നത് തെലങ്കാന പ്രസ്ഥാനത്തിനുതന്നെ എതിരാണ്. കീരവാണിക്കുപകരം തെലങ്കാനയില്‍നിന്നുള്ള സംഗീതജ്ഞര്‍ക്ക് അവസരം നല്‍കണമെന്നും അവര്‍ കത്തില്‍ ആവശ്യപ്പെട്ടു.
തെലങ്കാനയില്‍ നിന്നുള്ള കവി അന്ദേശ്രീയാണ് ജയ ജയ ഹേ തെലങ്കാന എന്ന ഗാനത്തിന് വരികള്‍ എഴുതിയിരിക്കുന്നത്. ജയ ജയ ഹേ തെലങ്കാന എന്ന ഗാനത്തിന്റെ നവീകരിച്ച പതിപ്പാണ് ഈ ഗാനം. തെലങ്കാനയിലെ സമ്പന്നമായ സംസ്‌കാരം പ്രമേയമായ ഗാനം ജൂണ്‍ 2 ന് പുറത്തിറങ്ങും.
കുറച്ച് ദിവസങ്ങൾക്ക് മുമ്പായിരുന്നു, മലയാളത്തിൽ റെക്കോർഡുകൾ ഭേദിച്ച് മുന്നേറിയ മഞ്ഞുമ്മൽ ബോയ്സ് സിനിമായുടെ നിർമാതാക്കളുമായി ബന്ധപ്പെട്ട് വിവാദങ്ങൾ ഉയർന്ന് വന്നത്. ഈ...
നിരവധി ആരാധകരുള്ള യുവതാരമാണ് ടൊവിനോ തോമസ്. അദ്ദേഹത്തിന്റേതായി പുറത്തെത്താറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. ഇപ്പോഴിതാ അദ്ദേഹം ആദ്യമായി നിർമാതാവാകുകയാണ്....
പ്രേക്ഷകർക്കേറെ പ്രിയങ്കരിയാണ് കനി കുസൃതി. വളറെ കുറച്ച് ചിത്രങ്ങളിലൂടെ തന്നെ മലയാള സിനിമയിൽ തന്റേതായി സ്ഥാനം ഉറപ്പിക്കാൻ കനിയ്ക്ക് കഴിഞ്ഞിട്ടുണ്ട്. നിരവധി...
പ്രേക്ഷകർക്ക് പ്രത്യേകം പരിചയപ്പെടുത്തേണ്ട ആവശ്യമില്ലാത്ത താരമാണ് മേജർരവി. സോഷ്യൽ മീഡിയയിൽ അദ്ദേഹത്തിന്റെ വിശേഷങ്ങളെല്ലാം വളരെപ്പെട്ടെന്നാണ് വൈറലായി മാറുന്നത്. തന്റെ അഭിപ്രായങ്ങൾ എപ്പോഴും...
തെന്നിന്ത്യന്‍ പ്രേക്ഷകര്‍ അക്ഷമയോടെ കാത്തിരിക്കുന്ന കമല്‍ഹാസന്‍ ചിത്രമാണ് ഇന്ത്യൻ 2. ശങ്കറിന്‍റെ സംവിധാനത്തില്‍ പുറത്തെത്താനിരിക്കുന്ന ചിത്രത്തിന്റെ ഓരോ അപ്ഡേറ്റുകള്‍ക്കായും പ്രേക്ഷകര്‍ ഏറെ...
