വീട്ടുകാരറിയാതെ എത്തിയ 2 പതിനഞ്ചുകാരികൾ കോവളത്തു മുറിയെടുത്തു !! പോലീസ് അന്വേഷിക്കും

വീട്ടുകാരറിയാതെ എത്തിയ 2 പതിനഞ്ചുകാരികൾ കോവളത്തു മുറിയെടുത്തു !! പോലീസ് അന്വേഷിക്കും

കോവളം ബീച്ചിൽ സ്വകാര്യ ഹോട്ടലിൽ പതിനഞ്ചുകാരികളായ 2 പെൺകുട്ടികൾക്ക് മുറി നൽകിയതിൽ പോലീസ് അന്വേഷണം. തമിഴ്‌നാട് സ്വദേശികളായ പെൺകുട്ടികളാണ് റൂം എടുത്തത്. ഇരുവരും നഗരത്തിൽ സ്വർണമാല വിൽക്കാൻ ശ്രമിക്കുമ്പോളാണ് അറസ്റ്റിലായത്.

കഴിഞ്ഞ ദിവസം കോവളം ബീച്ചിലെത്തിയ ഇരുവരും തീരത്തെ സ്വകാര്യ ഹോട്ടലിൽ മുറിയെടുത്തു. ഉച്ചയോടെ നഗരത്തിലെത്തി സ്വർണ വ്യാപാര കടയിൽ മൂന്നര പവനോളം തൂക്കംവരുന്ന സ്വർണമാല വിൽക്കാൻ ശ്രമിച്ചുവെന്നു പൊലീസ് പറഞ്ഞു. സംശയം തോന്നിയ കടയുടമ വിവരമറിയിച്ചതനുസരിച്ചാണു ഫോർട്ട് പൊലീസ് എത്തി ഇവരെ കസ്റ്റഡിയിലെടുത്തത്.

ചൈൽഡ്‌‌ലൈൻ പ്രവർത്തകരുടെ സഹായത്തോടെ ചോദ്യം ചെയ്ത്പ്പോഴാണ് വീടുവിട്ടെത്തിയതാണെന്നും കയ്യിൽ പൈസയില്ലാത്തതിനാലാണു മാല വിൽക്കാൻ ശ്രമിച്ചതെന്നും ഇവർ പൊലീസിൽ വെളിപ്പെടുത്തിയത്. പ്രായപൂർത്തിയാകാത്ത കുട്ടികൾക്കു ഹോട്ടലിൽ മുറി നൽകിയതുൾപ്പെടെയുള്ള കാര്യങ്ങൾ അന്വേഷിക്കുമെന്നും കോവളം എസ്ഐ: പി.അജിത്കുമാർ പറഞ്ഞു. കുട്ടികളുടെ ബന്ധുക്കളെ വിവരം അറിയിച്ചിട്ടുണ്ടെന്നും പൊലീസ് അറിയിച്ചു.

tamilnadu girls arrested in kovalam