ചരിത്രത്തില്‍ തന്നെ ആദ്യം; മുത്തപ്പന്‍ വെള്ളാട്ടം നടത്തിക്കൊണ്ട് ‘ശ്രീ മുത്തപ്പന്‍’ സിനിമയുടെ ഓഡിയോ ലോഞ്ച് നടന്നു

ആചാര വിധിപ്രകാരമുള്ള ശ്രീ മുത്തപ്പന്‍ വെള്ളാട്ടം നടത്തിക്കൊണ്ട് മുത്തപ്പന്റെ കഥ പറയുന്ന ‘ശ്രീ മുത്തപ്പന്‍’ എന്ന സിനിമയുടെ ഓഡിയോ ലോഞ്ച് നടന്നു. ചലച്ചിത്ര ചരിത്രത്തില്‍ തന്നെ ആദ്യമായാണ് ഇങ്ങനെയൊരു ഓഡിയോ ലോഞ്ച്.

പ്രതിഥി ഹൗസ് ക്രീയേഷന്‍സിന്റെ ബാനറില്‍ അനീഷ് പിള്ള നിര്‍മ്മിച്ച് ചന്ദ്രന്‍ നരിക്കോട് സംവിധാനം ചെയ്യുന്ന ചിത്രമാണ് ‘ശ്രീ മുത്തപ്പന്‍ ‘

മുത്തപ്പന്റെ മലയിറക്കവും വെള്ളാട്ടവും പിന്നീട് മലകയറ്റവും ആചാരവിധിപ്രകാരം ചെയ്താണ് ഓഡിയോ ലോഞ്ച് നടത്തിയത്. സിനിമയുടെ സംഗീത സംവിധായകനും സംഗീതജ്ജഞനുമായ രമേശ് നാരായണന്‍ ഓഡിയോ ലോഞ്ച് ശ്രീമുത്തപ്പന്റെ ഈശ്വര സാന്നിധ്യത്തില്‍ നിര്‍വ്വഹിച്ചു.

സിനിമയില്‍ മുത്തപ്പനായി വേഷമിട്ട മണിക്കുട്ടനും ജോയ് മാത്യുവും ചേര്‍ന്ന് ടീസര്‍ റിലീസ് ചെയ്തു. അല എസ് നയന , ശ്രീമുത്തപ്പന്‍ സിനിമയിലെ ബാലതാരം പ്രിഥ്വി രാജീവന്‍ എന്നിവരും മറ്റ് അണിയറ പ്രവര്‍ത്തകരും ചടങ്ങില്‍ പങ്കെടുത്തു.