ലക്ഷ്ദ്വീപിലെ മോദി സര്‍ക്കാരിന്റെ ജനാധിപത്യ വിരുദ്ധമായ പ്രവൃത്തികള്‍ക്കെതിരെ വിമര്‍ശനവുമായി നടി രേവതി സമ്പത്ത്. ഫേസ്ബുക്ക് പോസ്റ്റിലൂടെയായിരുന്നു രേവതി പ്രതികരണം അറിയിച്ചത്
ജനദ്രോഹങ്ങളായ പരിഷ്‌കാരങ്ങളാണ് വലതുപക്ഷ ഫാസിസ്റ്റുകള്‍ ദ്വീപില്‍ ഏര്‍പ്പെടുത്തിയിരിക്കുന്നത്. മനുഷ്യര്‍ സന്തോഷത്തോടെയും സമാധാനത്തോടെയും സ്‌നേഹത്തോടെയും ജീവിക്കുന്ന കിനാശ്ശേരികളില്‍ ഒന്നാണ് ലക്ഷദ്വീപ്. നമ്മള്‍ നോക്കി നില്‍ക്കെ കാശ്മീര്‍ അപ്രത്യക്ഷമായതുപോലെയൊരു സ്ഥിതി ലക്ഷദ്വീപിനുണ്ടാകാന്‍ അനുവദിക്കരുതെന്ന് രേവതി ഫേസ്ബുക്കിൽ കുറിച്ചു
രേവതി സമ്പത്തിന്റെ ഫേസ്ബുക്ക് പോസ്റ്റ്
ഇവിടെയീ ജയില്‍ എന്താ ഇങ്ങനെ?
നാട്ടുകാരൊക്കെ കൂടി പൂട്ടിച്ചതാ. ആരെങ്കിലും എന്തെങ്കിലും പ്രശ്നം ഉണ്ടാക്കിയാല്‍ അല്ലെ പിടിച്ച് അകത്തിടാന്‍ പറ്റൂ. ‘No crimes at all.’
അനാര്‍ക്കലി സിനിമയിലെ ലക്ഷദ്വീപിനെ കുറിച്ചുള്ള ഈ സംഭാഷണം നമുക്ക് എല്ലാം ഓര്‍മയുണ്ടാകും. മനുഷ്യര്‍ സന്തോഷത്തോടെയും സമാധാനത്തോടെയും സ്‌നേഹത്തോടെയും ജീവിക്കുന്ന കിനാശ്ശേരികളാണ് നാം എല്ലായ്പ്പോഴും സ്വപ്നം കാണാറുള്ളത്. ലക്ഷദ്വീപ് അത്തരത്തില്‍ ഒരിടമാണ്. വൈവിധ്യങ്ങളെ അത്രയേറെ ഇഴകിച്ചേര്‍ത്തു ജീവിക്കുന്ന മനുഷ്യര്‍ മാനവികതയുടെ കൊടിപ്പടം ആകാശത്തോളം ഉയര്‍ത്തിക്കെട്ടിയ ഒരിടം.
ഇന്ന് ലക്ഷദ്വീപിലെ ജനങ്ങള്‍ അവരുടെ ആത്മാഭിമാനം നിലനിര്‍ത്താനുള്ള പോരാട്ടത്തിനായി തയ്യാറെടുക്കുകയാണ്. മോദിയുടെ വിശ്വസ്തനായ പ്രഭുല്‍ പട്ടേലിന്റെ നേതൃത്വത്തില്‍ ലക്ഷദ്വീപിലെ മനുഷ്യരുടെ ജീവിതത്തെ ശിഥിലമാക്കുന്ന നിലപാടുകളാണ് അവിടുത്തെ ഭരണകൂടം സ്വീകരിച്ചുകൊണ്ടിരിക്കുന്നത്.
തീരത്തെ മത്സ്യത്തൊഴിലാളികളുടെ മത്സ്യബന്ധനോപകരണങ്ങള്‍ സൂക്ഷിക്കുന്നതിനുള്ള ഷെഡ്ഡുകള്‍ നശിപ്പിക്കുക. പശു ഫാമുകള്‍ മുഴുവന്‍ അടച്ചുപൂട്ടാന്‍ തീരുമാനിച്ചു. മദ്യം പൂര്‍ണ്ണമായി ഒഴിവായിരുന്ന ദ്വീപില്‍ മദ്യം വിതരണം ചെയ്തു തുടങ്ങി.
മാംസാഹാരം സ്‌കൂളില്‍ നിന്നും ഒഴിവാക്കി. സമാധാനപൂര്‍ണ്ണമായ ജീവിതത്തെ അസാധ്യമാക്കുന്ന ജനവിരുദ്ധ നടപടികള്‍ തുടര്‍ച്ചയായി സ്വീകരിച്ചു.
പൗരത്വ നിയമത്തെ എതിര്‍ത്തുവെന്ന പേരില്‍ പലരെയും അറസ്റ്റ് ചെയ്തു. ഗുണ്ടാ ആക്റ്റ് ഏര്‍പ്പെടുത്തി. ഇങ്ങനെ നിരവധി ജനദ്രോഹകരമായ പരിഷ്‌കാരങ്ങളാണ് വലതുപക്ഷ ഫാഷിസ്റ്റുകള്‍ ലക്ഷദ്വീപില്‍ നടപ്പിലാക്കുന്നത്. നോക്കി നില്‍ക്കെ നമ്മുടെ മുന്നില്‍ നിന്ന് കാശ്മീര്‍ അപ്രത്യക്ഷമായതുപോലെയൊരു സ്ഥിതി ലക്ഷദ്വീപിനുണ്ടാകാന്‍ അനുവദിക്കരുത്.
മോഹൻലാലിന്റേതായി പുറത്തെത്തിയ സൂപ്പർഹിറ്റ് ചിത്രമായിരുന്നു തുടരും. തരുൺ മൂർത്തിയുടെ സംവിധാനത്തിലെത്തിയ ചിത്രത്തിൽ ശോഭനയായിരുന്നു നായികയായി എത്തിയിരുന്നത്. സിനിമയിൽ ശോഭന എത്തുന്നതിന് മുമ്പ്...
ആരോഗ്യത്തിലും ഫിറ്റ്നെസിലും വളരെയേറെ ശ്രദ്ധ പുലർത്തുന്ന നടനാണ് മമ്മൂട്ടി. ഇപ്പോഴിതാ മമ്മൂട്ടിയുടെ ആഹാര രീതികളെക്കുറിച്ച് പറഞ്ഞ് രംഗത്തെത്തിയിരിക്കുകയാണ് ഡയറ്റീഷ്യൻ നതാഷ മോഹൻ....
കേരള സംസ്ഥാന ചലച്ചിത്ര അക്കാദമിയുടെ ആഭിമുഖ്യത്തിൽ രാജ്യാന്തര വനിത ചലച്ചിത്രോത്സവം 2025 മെയ് 23 മുതൽ 25 വരെ കൊട്ടാരക്കരയിൽ നടക്കും....
സിനിമയിലെത്തിയില്ലെങ്കിലും നിരവധി ആരാധകരുള്ള താരപുത്രിയാണ് മീനാക്ഷി ദിലീപ്. സോഷ്യൽ മീഡിയയിൽ തന്നെ വളരെ വൈകിയാണ് മീനാക്ഷി സജീവമാകുന്നത്. എന്നിരുന്നാലും ഇടയ്ക്കിടെ മാത്രമാണ്...
തെന്നിന്ത്യയിൽ നിരവധി ആരാധകരുള്ള താരമാണ് വിശാൽ. തമിഴ് നാട്ടിൽ മാത്രമല്ല, കേരളത്തിൽ വരെ വിശാലിന് ആരാധകരുണ്ട്. ഇപ്പോഴിതാ വിവാഹിതനാകുന്നുവെന്ന് അറിയിച്ചിരിക്കുകയാണ് നടൻ....
