ഇത് ഡോക്ടർ വിധിയില്ല, ഞാനാണ്; തന്റെ ചിത്രം മറ്റൊരാളുടെ പേരില്‍ പ്രചരിക്കുന്നതിനെക്കുറിച്ച് നടി സംസ്കൃതി ഷേണായ്

തന്റെ ചിത്രം മറ്റൊരു വ്യക്തിയുടെ പേരില്‍ സാമൂഹിക മാധ്യമങ്ങളില്‍ പ്രചരിപ്പിക്കുന്നതിനെതിരെ സംസ്‌കൃതി ഷേണായ്. കോവിഡിനെതിരായ പോരാട്ടത്തിനിടെ ഗുജറാത്തില്‍ മരിച്ച ഡോക്ടര്‍ വിധിയുടെ ചിത്രം എന്ന കുറിപ്പോടെയാണ് സംസ്‌കൃതിയുടെ ചിത്രം വാട്ട്‌സ്ആപ്പ്, ഫെയ്‌സ്ബുക്ക് തുടങ്ങിയവയില്‍ പ്രചരിക്കുന്നുണ്ട്.

അതിനെതിരെ സോഷ്യല്‍ മീഡിയയില്‍ പങ്കുവച്ച കുറിപ്പിലൂടെ പ്രതികരിക്കുകയാണ് താരം. ‘എനിക്ക് ഡോക്ടര്‍ വിധിയെ അറിയില്ല, അങ്ങനെയൊരാള്‍ മരിച്ചിട്ടുണ്ടെങ്കില്‍ പ്രണാമം. പക്ഷേ ഈ ചിത്രത്തില്‍ കാണുന്ന വ്യക്തി ഞാനാണ്. അതുകൊണ്ടു തന്നെ എന്റെ ചിത്രം പ്രചരിപ്പിക്കുന്നത് നിര്‍ത്തണം’ സംസ്‌കൃതി ഫെയ്‌സ്ബുക്കില്‍ കുറിച്ചു.