വിദ്യാഭ്യാസശൃംഖലയായ അജിനോറയുടെ ബ്രാൻഡ് അംബാസഡറായി മഞ്ജു വാര്യർ

പ്രമുഖ വിദ്യാഭ്യാസശൃംഖലയായ അജിനോറയുടെ ബ്രാൻഡ് അംബാസഡറായി മഞ്ജു വാര്യർ നിയമിതയായി. വിദേശത്ത് ജോലിക്കും പഠനത്തിനും ശ്രമിക്കുന്നവർക്ക് ഐ.ഇ.എൽ.ടി.എസ്., ഒ.ഇ.ടി തുടങ്ങിയ പരീക്ഷകളിൽ പരിശീലനം നൽകുന്ന വിദ്യാഭ്യാസശൃംഖലയാണ് അജിനോ.റ

2013ൽ ആരംഭിച്ച അജിനോറയ്ക്ക് ഇന്ത്യയിൽ 51 ശാഖകളുണ്ട്; ഓൺലൈൻ വിദ്യാഭ്യാസത്തിനായി മൊബൈൽ ആപ്ളിക്കേഷനുമുണ്ട്.

മഞ്ജുവിന്റെ താരമൂല്യവും സ്വീകാര്യതയും സാമൂഹിക പ്രതിബദ്ധതയും അജിനോറയുടെ സേവനങ്ങൾ ജനങ്ങളിലേക്ക് എത്തിക്കാൻ സഹായിക്കുമെന്ന് മാനേജിംഗ് ഡയറക്‌ടർ അജി മാത്യു പറഞ്ഞു. ചടങ്ങിൽ ഡയറക്‌ടർമാരായ രാഹുൽ രാജേന്ദ്രൻ, നോർവിൻ ലൂക്കോസ്, അജോ അഗസ്‌റ്റിൻ, സി.ഇ.ഒ അരവിന്ദ് ആർ.മേനോൻ എന്നിവർ സംബന്ധിച്ചു. ഐഡന്റിറ്റി അഡ്വർടൈസിംഗാണ് അജിനോറയുടെ ബ്രാൻഡിംഗ് കൈകാര്യം ചെയ്യുന്നത്. അജിനോറയുടെ ബ്രാൻഡ് അംബാസഡറായി മഞ്ജു വാര്യയെ നയിച്ചത് ബ്രാൻഡ് കൺസൾട്ടന്റ് സിജോയ് വർഗീസാണ് (ടി.വി.സി ഫാക്‌ടറി).