സോഷ്യല്‍ മീഡിയയില്‍ തരംഗമായി എന്‍ജോയ് എന്‍ജാമി; രണ്ടഴ്ച കൊണ്ട് നേടിയെടുത്ത കാഴ്ചക്കാര്‍ എത്രയെന്നോ..!!

സോഷ്യല്‍ മീഡിയയില്‍ കുറച്ച് നാളുകളായി കോളിളക്കം സൃഷ്ടിച്ച ഗാനമാണ് എന്‍ജോയ് എന്‍ജാമി. ഈ തമിഴ് റാപ്പ് സോങ് ഇതിനോടകം തന്നെ ലോകത്തിന്റെ എല്ലാ കോണിലും എത്തിയിട്ടുണ്ട്. നിരവധി പേരാണ് സോഷ്യല്‍ മീഡിയയിലൂടെ ഈ ഗാനം ആസ്വദിച്ചത്.

ഇപ്പോഴിതാ രണ്ടാഴ്ച കൊണ്ട് 5 കോടിയില്‍ അധികം വ്യൂവേഴ്‌സിനെ നേടിയിരിക്കുകയാണ് എന്‍ജോയി എന്‍ജാമി. സന്തോഷ് നാരായണന്‍ സംവിധാനം ചെയ്ത ഈ റാപ്പ് സോങ് തികച്ചും വ്യത്യസ്തമായ ഒരു വിഷ്വല്‍ ട്രീറ്റും അതിഭീകരമായ ഫീലുമാണ് പ്രേക്ഷകരിലേക്ക് പകരുന്നത്.

തമിഴകം കേട്ടതില്‍ വച്ച് ഏറെ വ്യത്യസ്തമാണ് എന്‍ജോയ് എഞ്ചാമി യുടെ മ്യൂസിക്. അത് തന്നെയാണ് അതിന്റെ പ്രത്യേകതയും. ഒരിക്കല്‍ കേട്ടവര്‍ വീണ്ടും വീണ്ടും ആ ഗാനം കേട്ടിരിക്കും.

തമിഴ് നാട്ടിലെ കര്‍ഷകരുടെ ജീവിതത്തെയും സംസ്‌കാരത്തെയും കുറിച്ചാണ് എന്‍ജോയ് എഞ്ചാമിയില്‍ പറയുന്നത്. പലതാരങ്ങളും ഇതിനോടകം തന്നെ എന്‌ജോയ് എഞ്ചാമിയ്ക്ക് ടുവടുവെച്ചിട്ടുണ്ട്.

കഴിഞ്ഞ ദിവസം ദുല്‍ഖര്‍ സല്‍മാന്‍ ഫേസ്ബുക്കില്‍ ഈ ഗാനത്തെ കുറിച്ച് പറഞ്ഞിരുന്നു. നസ്രിയയും സഹോദരനും ഗാനത്തിന് ചുണ്ടനക്കികൊണ്ടാണ് ഇന്‍സ്റ്റാഗ്രാമില്‍ എത്തിയത്.