കഥ കേട്ട് തുടങ്ങിയപ്പോള്‍ മുതല്‍ ചിരിച്ചു മറിയുകയായിരുന്നു, ഈ ക്യാരക്ടര്‍ ചെയ്യുന്നത് ലാലേട്ടനാണ്, മറ്റൊരു ക്യാരക്ടര്‍ ഞാനുമെന്ന് പൃഥ്വിരാജ് പറഞ്ഞു; ബ്രോ ഡാഡിയെ കുറിച്ച് രചയിതാക്കളിലൊരാളായ ശ്രീജിത്ത് പറയുന്നു

പൃഥ്വിരാജ് സുകുമാരന്‍ കുറച്ചു ദിവസം മുന്‍പാണ് താന്‍ സംവിധാനം ചെയ്യാന്‍ പോകുന്ന രണ്ടാമത്തെ ചിത്രം പ്രഖ്യാപിച്ചത്. മോഹന്‍ലാല്‍ നായകനാവുന്ന ആ ചിത്രത്തിന്റെ പേര് ബ്രോ ഡാഡി എന്നാണ്. ഈ ചിത്രത്തിന്റെ കഥ പൃഥ്വിരാജ് കേട്ട സമയത്തെ അദ്ദേഹത്തിന്റെ പ്രതികരണം എങ്ങനെയായിരുന്നു എന്ന് വെളിപ്പെടുത്തുകയാണ് രചയിതാക്കളിലൊരാളായ ശ്രീജിത്ത്.

കഥ കേട്ട് തുടങ്ങിയപ്പോള്‍ മുതല്‍ തീരുന്നതു വരെ പൃഥ്വിരാജ് ചിരിച്ചു മറിയുകയായിരുന്നു എന്നും, അതിനു ശേഷം ഈ കഥ ഇനി മറ്റാരോടും പറയണ്ട, താന്‍ ഈ ചിത്രം സംവിധാനം ചെയ്യാന്‍ ആഗ്രഹിക്കുന്നു എന്ന് പറയുകയുമായിരുന്നു അതിനു ശേഷം ഒരാഴ്ച കഴിഞ്ഞു തന്നെ വിളിച്ച പൃഥ്വിരാജ് പറഞ്ഞത് ചിത്രത്തിലെ കേന്ദ്ര കഥാപാത്രം ലാലേട്ടന്‍ ആയിരിക്കും എന്നും മറ്റൊരു പ്രധാന കഥാപാത്രം താനും ചെയ്യുമെന്നാണ് പറഞ്ഞെതെന്ന് അദ്ദേഹം പറയുന്നു

ഏതായാലും ഈ ചിത്രം ജൂലൈ മാസത്തില്‍ ഷൂട്ടിംഗ് ആരംഭിക്കാന്‍ പാകത്തിനാണ് പ്ലാന്‍ ചെയ്യുന്നത് എന്ന് ഇപ്പോള്‍ ലഭിക്കുന്ന റിപ്പോര്‍ട്ടുകള്‍ പറയുന്നു

കല്യാണി പ്രിയദര്‍ശന്‍, മീന, കനിഹ, ലാലു അലക്‌സ്, മുരളി ഗോപി, സൗബിന്‍ ഷാഹിര്‍ തുടങ്ങി ഒരു വലിയ താരനിര തന്നെ അണിനിരക്കുന്നുണ്ട്. പുതുമുഖങ്ങളായ ശ്രീജിത്ത്, ബിബിന്‍ എന്നിവര്‍ ചേര്‍ന്നാണ് ഈ ചിത്രത്തിന്റെ തിരക്കഥ രചിക്കുന്നത്. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ഈ ചിത്രം ഒരു ഫണ്‍ ഫാമിലി കോമഡി എന്റെര്‍റ്റൈനെര്‍ ആയാണ് ഒരുക്കുന്നത്. ഈ ചിത്രത്തിന്റെ തിരക്കഥ രചിച്ച ശ്രീജിത്തും ബിബിനും ഓള്‍ഡ് മോങ്ക്‌സ് എന്ന മലയാളത്തിലെ ഏറ്റവും പോപ്പുലര്‍ ആയ പോസ്റ്റര്‍ ഡിസൈനര്‍ ടീമിലെ അംഗങ്ങളാണ്.