60 വയസുള്ള നായകന്മാർ 20-30 വയസുള്ള പെൺകുട്ടികളെ പ്രണയിക്കാനും ഫോട്ടോഷോപ്പ് വഴി മുഖം ചെറുപ്പമായി കാണിക്കാനും ആഗ്രഹിക്കുന്നു; ഇത് ബോളിവുഡിനെ നശിപ്പിക്കും ; വിവേക് അഗ്നിഹോത്രി പറയുന്നു !

ബോളിവുഡിലെ പ്രമുഖ സംവിധയകനാണ് വിവേക് അഗ്നിഹോത്രി. ഈയിടെ വാർത്തകളിൽ നിറഞ്ഞ ദ കശ്മീർ ഫയൽസിന്റെ സംവിധായകനാണ് വിവേക് അഗ്നിഹോത്രി. ബോളിവുഡിലെ പ്രായവ്യത്യാസത്തെക്കുറിച്ച് വിമർശനവുമായി എത്തിയിരിക്കുകയാണ് സംവിധായകന്‍ വിവേക് അഗ്നിഹോത്രി ഇപ്പോൾ .ട്വിറ്ററിലൂടെയാണ് സംവിധായകന്റെ പ്രതികരണം.

ചിത്രത്തിന്റെ ക്വാളിറ്റി മറന്നേക്കൂ. 60 വയസുള്ള നായകന്മാർ 20-30 വയസുള്ള പെൺകുട്ടികളെ പ്രണയിക്കാനും ഫോട്ടോഷോപ്പ് വഴി മുഖം ചെറുപ്പമായി കാണിക്കാനും ആഗ്രഹിക്കുന്നു. ബോളിവുഡിൽ അടിസ്ഥാനപരമായി എന്തോ കുഴപ്പമുണ്ട്. യുവാവായി കാണപ്പെടുന്ന കൂളായ ആൾ ബോളിവുഡിനെ നശിപ്പിച്ചു. ഒരാൾ മാത്രമാണ് ഇതിന് ഉത്തരവാദി എന്നാണ് ‘ സംവിധായകൻ കുറിച്ചത് .

വിവേക് അഗ്നിഹോത്രി വിമർശനം ഉന്നയിച്ചത് ആമിർ ഖാനെ ആണെന്നാണ് ചിലർ പറയുന്നത്. ബോയ്കോട്ട് ‘ലാൽ സിംഗ് ഛദ്ദ’യുടെ ഭാഗമാണ് ഇതെന്നും ആരോപണമുണ്ട്.കാശ്മീര്‍ ഫയല്‍സാണ് വിവേക് അഗ്നിഹോത്രിയുടെ ഒടുവിലായി റിലീസായ ചിത്രം.കാശ്മീര്‍ പണ്ഡിറ്റുകളുടെ പലായനത്തെ ആസ്പദമാക്കി ഒരുക്കിയ ചിത്രം വൻ വിജയമായിരുന്നു.