വിവാദ പ്രസ്താവനകളിലൂടെ വാര്‍ത്തകളില്‍ ഇടം നേടാറുള്ള താരമാണ് കങ്കണ റണാവത്ത്. സോഷ്യല്‍ മീഡിയയിലും വളരെ സജീവമാണ് താരം. ഇപ്പോവിതാ ‘എമര്‍ജന്‍സി’യുടെ സെറ്റിലേയ്ക്ക് വീണ്ടും എത്തിയിരിക്കുകയാണ് കങ്കണ. മുന്‍ പ്രധാനമന്ത്രി ഇന്ദിരാ ഗാന്ധിയുടെ ജീവിതം പ്രമേയമാക്കി ഒരുങ്ങുന്ന സിനിമയാണ് ‘എമര്‍ജന്‍സി’.
ഡങ്കിപ്പനി പിടിപെട്ടതിനെ തുടര്‍ന്ന് വിശ്രമത്തിലായിരുന്ന കങ്കണ വീണ്ടും ഷൂട്ടിംഗ് സെറ്റിലേയ്ക്ക് എത്തിയ സന്തോഷം ആണിയറപ്രവര്‍ത്തകര്‍ പങ്കുവെച്ചിരുന്നു. ഇതിന് മറുപടിയായി താരം ഇന്‍സ്റ്റഗ്രാമിലൂടെ നന്ദി അറിയിക്കുകയും ചെയ്തു.
‘നിങ്ങള്‍ക്ക് ഡെങ്കിപ്പനി ബാധിച്ചു, ഭയാനകമാംവിധം വൈറ്റ ബ്ലഡ് സെല്ലിന്റെ കൗണ്ട് കുറഞ്ഞു, ഉയര്‍ന്ന പനിയും ഉണ്ടായി, എന്നിട്ടും ജോലിസ്ഥലത്തേക്ക് വരുമ്പോള്‍, അത് അഭിനിവേശമായല്ല, സിനിമയോടുള്ള ഭ്രാന്തമായ ഇഷ്ടമായാണ് കാണുന്നത്. ഞങ്ങളുടെ പ്രചോദനമാണ് കങ്കണ നിങ്ങള്‍.’ എന്ന് മണി കര്‍ണിക ഫിലിമ്‌സിന്റെ ഇന്‍സ്റ്റഗ്രാം പോസ്റ്റില്‍ അണിയറപ്രവര്‍ത്തകര്‍ കുറിച്ചു.
‘നന്ദി ടീം, എന്റെ ശരീരത്തിന് മാത്രമാണ് അസുഖം ബധിച്ചിരിക്കുന്നത്. മനസിനല്ല. നിങ്ങളുടെ അനുകമ്പ നിറഞ്ഞ വാക്കുകള്‍ക്ക് നന്ദി’ എന്നായിരുന്നു കങ്കണ മറുപടി നല്‍കിയത്. കങ്കണ റണൗത്ത് കേന്ദ്ര കഥാപാത്രമാകുന്ന പുതിയ ‘എമര്‍ജന്‍സി’യില്‍ ഇന്ദിര ഗാന്ധിയുടെ മേക്കോവറില്‍ കണ്ണടയും കയ്യില്‍ പിടിച്ചിരിക്കുന്ന കങ്കണയുടെ പോസ്റ്റര്‍ ശ്രദ്ധ നേടിയിരുന്നു.
‘ലോക ചരിത്രത്തിലെ ഏറ്റവും ശക്തയും വിവാദപരവുമായ സ്ത്രീകളില്‍ ഒരാളെ അവതരിപ്പിക്കുന്നു’ എന്നാണ് ഇതേ കുറിച്ച് കങ്കണ പറഞ്ഞത്. താരം തന്നെയാണ് സിനിമയുടെ സംവിധാനവും നിര്‍വഹിക്കുന്നത്. ഇത് രണ്ടാം തവണയാണ് കങ്കണ സംവിധായികയുടെ തൊപ്പി അണിയുന്നത്. 2019 ല്‍ റാണി ലക്ഷ്മി ഭായിയുടെ ജീവിതം പ്രമേയമാക്കി ഒരുങ്ങിയ ‘മണികര്‍ണിക’യാണ് കങ്കണ മുന്‍പ് സംവിധാനം ചെയ്ത ചിത്രം.
പഹൽഗാം ഭീ കരാക്രമണത്തിന് പിന്നാലെ പാക് നടൻ ഫവാദ് ഖാന്റേയും ഗായകൻ ആതിഫ് അസ്ലമിന്റേയും ഇൻസ്റ്റഗ്രാം അക്കൗണ്ടുകൾക്ക് കൂടി ഇന്ത്യയിൽ വിലക്ക്....
പ്രശസ്ത ബോളിവുഡ് നടൻ അനിൽ കപൂറിന്റെ മാതാവ് നിർമ്മൽ കപൂർ(90) അന്തരിച്ചു. മുംബൈയിലെ സ്വകാര്യാശുപത്രിയിൽ വെച്ചായിരുന്നു അന്ത്യം. വാർധക്യ സഹജമായ അസുഖങ്ങളെ...
പ്രേക്ഷകർക്കേറെ പ്രിയങ്കരിയായ താരമാണ് അനു അഗർവാൾ. സോഷ്യൽ മീഡിയയിൽ വളരെ സജീവമാണ് താരം. ഇപ്പോഴിതാ നടി പറഞ്ഞ ചില കാര്യങ്ങളാണ് സോഷ്യൽ...
വെള്ളിയാഴ്ച പുലർച്ചെയായിരുന്നു സിനിമാ സീരിയൽ നടൻ വിഷ്ണു പ്രസാദ് അന്തരിച്ചത്. കരൾ രോഗത്തെ തുടർന്ന് കഴിഞ്ഞ കുറേ നാളുകളായി ചികിത്സയിലായിരുന്നു നടൻ....
സോഷ്യൽ മീഡിയ സെലിബ്രറ്റിയും ഇൻസ്റ്റാഗ്രാം ഇൻഫ്ളുവൻസറുമായ മിഷ അഗർവാൾ ജീവനൊടുക്കിയെന്ന് വാർത്ത മിഷയുടെ ഫോളോഴ്സ് ഏറെ ഞെട്ടലോടെയാണ് കേട്ടത്. എന്നാൽ ഇപ്പേഴിതാ...
