സോഫ, കട്ടില്‍ പോലുള്ള ഫര്‍ണിച്ചറുകള്‍ ഒന്നും വീട്ടില്‍ ഇല്ല; അച്ഛന് മരിച്ചപ്പോള്‍ എനിക്ക് കിട്ടിയതാണ് ഈ വീട്,ഒരു വര്‍ഷം മുന്‍പ് ഐശ്വര്യ ചെയ്ത ഹോം ടൂര്‍ വൈറലാവുന്നു!
ബട്ടർഫ്ലൈസ്, നരസിംഹം, പ്രജ തുടങ്ങിയ ചിത്രങ്ങളില്‍ മോഹന്‍ലാലിന്റെ നായികയെത്തി മലയാളി പ്രേക്ഷകർക്കിടയിൽ ഏറെ സ്വീകാര്യത നേടിയ നടിയാണ് ഐശ്വര്യ ഭാസ്‌കരൻ . താരത്തിന്റെ വാര്‍ത്തകളാണ് ഇപ്പോള്‍ സോഷ്യൽ മീഡിയിൽ ചർച്ച വിധ്യം . അഭിനയത്തില്‍ നിന്ന് വിട്ടു നില്‍ക്കുന്ന നടി ഇപ്പോള്‍ തെരുവുകള്‍ തോറും നടന്ന് സോപ്പ് വിറ്റ് ആണ് ജീവിയ്ക്കുന്നത് എന്ന വെളിപ്പെടുത്തല്‍ പ്രേക്ഷകരെ അക്ഷരാര്‍ത്ഥത്തില്‍ ഞെട്ടിച്ചിരിയ്ക്കുകയാണ്. ഈ സാഹചര്യത്തില്‍ ഒരു വര്‍ഷത്തിന് മുന്‍പ് ഐശ്വര്യ ചെയ്ത ഹോം ടൂര്‍ വീഡിയോ വീണ്ടും വൈറലാകുകയാണ്
തന്റെ യൂട്യൂബ് ചാനലിലൂടെയാണ് രണ്ട് ഭാഗങ്ങളായി ഐശ്വര്യ ഹോം ടൂര്‍ വീഡിയോ പങ്കുവച്ചത്. സോപ്പ് വില്‍പനയ്ക്ക് പുറമെ യൂട്യൂബ് വീഡിയോയിലൂടെയുമാണ് താന്‍ വരുമാനം ഉണ്ടാക്കുന്നത് എന്ന് കഴിഞ്ഞ ദിവസം ഗലാട്ട മീഡിയയ്ക്ക് നല്‍കിയ അഭിമുഖത്തില്‍ ഐശ്വര്യ പറഞ്ഞിരുന്നു. എന്നാല്‍ യൂട്യൂബില്‍ നിന്നും കൃത്യമായ വരുമാനം കിട്ടാത്ത സാഹചര്യത്തിലാണ് താന്‍ സോപ്പ് കച്ചവടത്തിലേക്ക് ഇറങ്ങിയത് എന്നാണ് നടി പറഞ്ഞിരുന്നത്.
തന്റെ വീട്ടിലേക്ക് കടക്കുന്നതിന് മുന്‍പ് മൂന്ന് കാര്യങ്ങള്‍ നിങ്ങള്‍ ചെയ്യണം എന്ന് പറഞ്ഞുകൊണ്ടാണ് ഐശ്യര്യയുടെ ഹോം ടൂര്‍ ആരംഭിയ്ക്കുന്നത്. നിങ്ങളുടെ ചെരുപ്പും ഈഗോയും പുറത്ത് അഴിച്ചു വച്ചിട്ട് വരണം, നിങ്ങളുടെ സൗണ്ട് അല്പം നന്നായി കുറച്ച് കൂളായി വേണം കയറാന്‍, മൂന്നാമത്തെ കാര്യം, ഈ വീട്ടില്‍ ഉള്ളത് പൂച്ചകള്‍ മാത്രമാണ്- ഇത് മൂന്നും നിങ്ങള്‍ക്ക് പ്രശ്‌നമല്ല എങ്കില്‍ എന്റെ വീട്ടിലേക്ക് സ്വാഗതം.
എല്ലാവരും വീടിനെ കുറിച്ച് പറയുമ്പോള്‍ വളരെ അധികം വാചാലരാകും. കഷ്ടപ്പെട്ട് പണം സമ്പാദിച്ച്. ചേര്‍ത്ത് വച്ച സ്വപ്‌നങ്ങള്‍ കൊണ്ട് പണിയുന്നതാണ് വീട്. എന്നാല്‍ എന്റെ വീട് അങ്ങനെയല്ല, അച്ഛന് സ്വന്തമാക്കിയ വീടാണ്, അദ്ദേഹത്തിന് മരണ ശേഷം എനിക്ക് കിട്ടി. 2012 ല്‍ ആണ് ഈ വീട്ടിലേക്ക് ഞാന്‍ വന്നത്. പിന്നീട് അത് തന്റെ രീതിയില്‍ റീ അറേഞ്ച് ചെയ്യുകയായിരുന്നു.
ഐശ്വര്യയുടെ വീട് പൂര്‍ണമായും പൂച്ചകള്‍ക്ക് വേണ്ടി ഉള്ളത് പോലെയാണ്. ഒരു ഹാളും രണ്ട് ബെഡ് റൂമും ഒരു ബാല്‍ക്കെണിയും കിച്ചണും അടങ്ങുന്നതാണ് വീട്. സോഫ, കട്ടില്‍ പോലുള്ള ഫര്‍ണിച്ചറുകള്‍ ഒന്നും വീട്ടില്‍ ഇല്ല. ഡൈനിങ് ഡേബിള്‍ തന്റെ ജോലിയുടെ ഭാഗമായി വരയ്ക്കാനും മറ്റുമൊക്കെയായി ഉപയോഗപ്പെടുത്തിയിരിയ്ക്കുകയാണ്.
രണ്ട് മുറികളില്‍ ഒന്നില്‍ പൂച്ചകള്‍ക്ക് വേണ്ടിയുള്ള സൗകര്യങ്ങളാണ് ചെയ്തിരിയ്ക്കുന്നത്. അടുത്ത മുറിയില്‍ ഒരു പായയും തലയണയും ഉണ്ട്. എന്നാല്‍ മുറിയിലല്ല, താന്‍ പലപ്പോഴും ഹാളില്‍ പായ വിരിച്ചാണ് കിടക്കുന്നത് എന്ന് ഐശ്വര്യ പറയുന്നു.ഐശ്വര്യയുടെ വീട്ടിലെ പെയിന്റിങ്‌സുകളും ചില സാധനങ്ങളും ഫോട്ടോകളും എല്ലാം ആകര്‍ഷണമാണ്. അച്ഛനൊപ്പമുള്ള ഒരേയൊരു ഫോട്ടോയും, തന്റെ ഏറ്റവും ഇഷ്ടപ്പെട്ട ഒരു ഫോട്ടോയും എല്ലാം ചുമരില്‍ ഭംഗിയായി തൂക്കി വച്ചിട്ടുണ്ട്. അഭിനയത്തിലേക്ക് തിരിഞ്ഞപ്പോള്‍ അമ്മ ആദ്യമായി നല്‍കിയ മേക്കപ്പ് ബോക്‌സും ഐശ്വര്യ ഇപ്പോഴും സൂക്ഷിച്ചു വച്ചിട്ടുണ്ട്.
