അമ്പോ…വൈറലാകാൻ ഈ പെണ്ണുങ്ങൾ എന്തും ചെയ്യും ; ചിരിയുടെയും ചിന്തയുടെയും മാലപ്പടക്കം തീർത്ത്, മലയാളി മനസ്സിനെ ഓപ്പറേറ്റ് ചെയ്യാൻ സൂപ്പർ ഡ്യൂപ്പർ ഡോക്ടർ എത്തുന്നു; ചൂടാറാതെ മോന്തിക്കോ , ഇത് “കട്ടൻ ചാപ്പി” !

കൊറോണയും ലോക്ക്ഡൗണുമൊക്കെ മനുഷ്യരെ വീട്ടിനുള്ളിൽ തളച്ചിട്ടപ്പോൾ ആശ്വാസമായത് ഇന്റർനെറ്റ് എന്ന മറ്റൊരു ലോകമാണ് . അധികം കഷ്ട്ടപ്പെടാതെ തന്നെ അവിടേയ്ക്ക് എത്തിപ്പെടാമെന്നായപ്പോൾ എല്ലാ മനുഷ്യരും സോഷ്യൽ മീഡിയയിലേക്ക് ചേക്കേറുന്നതാണ് നമ്മൾ കണ്ടത് . എന്നാൽ, പലരുടെയും മുന്നിൽ എങ്ങനെ വൈറലാകാം എന്നത് വലിയൊരു ചോദ്യവും വെല്ലുവിളിയുമായി നിൽക്കുകയാണ് .

അപ്പോഴാണ്, വേറിട്ട പേരും ആശയവുമായി തീർത്തും വ്യത്യസ്തതയുണർത്തുന്ന ” കട്ടൻ ചാപ്പി ” എന്ന പേരിലൂടെ ഡോക്ടർ വീണ എത്തിയിരിക്കുന്നത്. എന്താണീ കട്ടൻ ചാപ്പി എന്നല്ലേ നിങ്ങളിപ്പോൾ ആലോചിക്കുന്നത്? എന്നാലിത് ഒരൊന്നൊന്നര ‘കട്ടൻ ചാപ്പി’യാണ്.

‘കട്ടൻ ചായ’ ഇഷ്ടപ്പെടാത്തവരും ‘കട്ടൻ കാപ്പി’ ആസ്വദിക്കാത്തവരുമായി മലയാളികളിൽ ആരും തന്നെ ഉണ്ടാകില്ല. എന്നാലിത് “കട്ടൻ ചാപ്പി”യാണ്. ഈ പുത്തൻ കട്ടൻ ചാപ്പിയുടെ റെസിപ്പി എന്തെന്നറിയാനുള്ള ആകാംഷയിലാണ് എല്ലാവരും.

പേരുപോലെ വ്യത്യസ്തമായൊരു ടീസറുമായാണ് കട്ടൻ ചാപ്പി ഇന്ന് എത്തിയിരിക്കുന്നത് . സന്ധ്യ മയങ്ങിയ വേളയിൽ സുഹൃത്തുക്കളുമായി റെസ്റ്റോറന്റിലിരുന്നു തല്ലുപിടിക്കുന്ന ഡോക്ടറെയാണ് ടീസർ വീഡിയോയിൽ കാണാൻ സാധിക്കുക. വിഷയം സോഷ്യൽ മീഡിയയിൽ വൈറലാകുക എന്നതുതന്നെയാണ്. പിന്തിരിപ്പൻ സുഹൃത്തുക്കളോട് ഡോക്ടർ പറയുന്ന വ്യത്യസ്തമായ വാക്കുകളാണ് ടീസറിന്റെ ഹൈലൈറ്റ്. അതെന്താണന്നല്ലേ….? ഇതാ കണ്ടുനോക്കൂ…!

about KATTAN CHAAPPY