സിനിമ ഉപേക്ഷിക്കുകയാണെങ്കിൽ ആ ജോലി ഏറ്റെടുക്കും

സിനിമ വിട്ടാല്‍ യൂബര്‍ ഡ്രൈവറാകാനാണ് ആഗ്രഹമെന്ന് നടൻ ഫഹദ് ഫാസിൽ. ഏറ്റവും ആസ്വദിക്കുന്നത് ഡ്രൈവിംഗാണെന്നും ഈ പ്ലാന്‍ നസ്‌റിയയ്ക്കും ഇഷ്ടമാണെന്നും പറഞ്ഞു. ഇന്ത്യന്‍ എക്‌സ്പ്രസ്സിലെ അഭിമുഖത്തിലാണ് താരം താത്പര്യത്തെക്കുറിച്ച് തുറന്നു പറഞ്ഞത്.

സീ യു സൂൺ ആണ് ഫഹദിന്റെ പുതിയ ചിത്രം. ആമസോണ്‍ പ്രൈമില്‍ സെപ്റ്റംബര്‍ ഒന്നിനാണ് സിനിമ റിലീസ് ചെയ്യുന്നത്. ദര്‍ശന രാജേന്ദ്രന്‍, റോഷന്‍ മാത്യു എന്നിവരാണ് ചിത്രത്തിലെ മറ്റ് പ്രധാന താരങ്ങള്‍. ഫഹദ് ഫാസില്‍ ആണ് നിര്‍മ്മാണം.

ഗോപി സുന്ദര്‍ ആണ് സംഗീതം ഒരുക്കുന്നത്. ഛായാഗ്രഹണം സബിന്‍ ഉരളികണ്ടി. ‘ടേക്ക് ഓഫ്’, ‘മാലിക്’ എന്നീ ചിത്രങ്ങള്‍ക്കു ശേഷം ഫഹദും മഹേഷ് നാരായണനും ഒന്നിക്കുന്ന ചിത്രം കൂടിയാണിത്.