ദിലീപിനെ നായകനാക്കി രതീഷ് രഘുനന്ദന് സംവിധാനം ചെയ്യുന്ന പുതിയ ചിത്രമാണ് ‘തങ്കമണി’. എണ്പതുകളുടെ മധ്യത്തില് കേരള രാഷ്ട്രീയത്തെ പിടിച്ചുകുലുക്കിയ ഇടുക്കിയിലെ തങ്കമണി സംഭവത്തെ ആസ്പദമാക്കിയാണ് ചിത്രം ഒരുക്കുന്നത്. ഇപ്പോഴിതാ ചിത്രത്തിന്റെ പ്രമോഷന്റെ ഭാഗമായി താരം നൽകിയ അഭിമുഖത്തിൽ പറഞ്ഞ ചില കാര്യങ്ങൾ ശ്രദ്ധനേടുകയാണ്. തന്റെ പ്രശ്നങ്ങൾ എല്ലാം തീർന്നതിന് ശേഷം സിനിമയിലേക്ക് വരാം എന്നാണ് കരുതിയിരുന്നതെന്ന് ദിലീപ് പറയുന്നു. നാല് വര്ഷമായി താന് സിനിമയുടെ മാറ്റങ്ങള് കണ്ടുകൊണ്ടിരിക്കുകയാണ് എന്നും ദിലീപ് വ്യക്തമാക്കി. ‘ഞാന് പ്രേമലു വരെയുള്ള സിനിമകള് കണ്ടു. ഭ്രമയുഗം ഒക്കെ ഇനി കാണണം. തിയേറ്ററിന്റെ ഭാഗമായതു കൊണ്ട് ഒരു ഷോയിലും എന്ത് നടക്കുന്നുണ്ട് എന്നതൊക്കെ അറിയുന്നുണ്ട്. നമ്മള് അത്രയും ഫോളോ അപ്പ് ചെയ്യുന്ന ആള്ക്കാരാണ്. തിയേറ്ററിലേക്ക് ജനങ്ങള് വരുന്നു എന്ന് അറിഞ്ഞതില് വലിയ സന്തോഷം. എല്ലാ പടങ്ങളും നമ്മുടെ തിയേറ്ററില് കളിക്കുന്നതു കൊണ്ട് നമുക്ക് കറക്ട് അറിയാന് പറ്റുന്നുണ്ട്. അത് വലിയ സന്തോഷമാണ്. കോവിഡിന്റെ സമയത്ത് ഞാന് സിനിമ ചെയ്തിട്ടില്ല, അതിന് ശേഷം രണ്ട് വര്ഷം ഞാന് സിനിമയേ ചെയ്തിട്ടില്ല.
എന്റെ പ്രശ്നങ്ങള് ഒക്കെ തീരണ്ടേ. എന്നാ പിന്നെ എല്ലാം തീര്ന്നിട്ടാവാം എന്ന് പറഞ്ഞിരുന്നിട്ട് തീരണില്ല. എന്നാ പിന്നെ സിനിമയിലേക്ക് ഇറങ്ങാം എന്ന് തീരുമാനിക്കും. ഒരു നാല് വര്ഷമായി സിനിമയുടെ മാറ്റങ്ങള് കണ്ടുകൊണ്ടിരിക്കുകയാണ്. പിന്നെ നമ്മള് കമ്മിറ്റഡ് ആയി കിടക്കുന്ന കുറച്ച് കാര്യങ്ങളുണ്ട്. ഒരു സംവിധായകന് കൊടുക്കുന്ന വാക്ക് എന്നൊരു സംവിധാനമുണ്ട്. ആ സമയത്ത് ഒക്കെ നമ്മള് പുതിയ ആള്ക്കാര് പുതിയതായിട്ട് എന്ത് കൊണ്ടു വരുന്നു നോക്കുന്നു’ ദീലീപ് പറഞ്ഞു.
പ്രേക്ഷകർക്കേറെ സുപരിചിതയാണ് നടി അഭിനയ. നിരവധി ചിത്രങ്ങളിൽ അഭിനയിച്ചിട്ടുണ്ടെങ്കിലും ജോജു ജോർജിന്റെ പണി എന്ന ചിത്രത്തിലൂടെയാണ് നടിയെ പ്രേക്ഷകർ കൂടുതൽ ഇഷ്ടപ്പെട്ട്...
മോഹൻലാൽ- പൃഥ്വിരാജ് കൂട്ടുക്കെട്ടിൽ പുറത്തെത്തിയ എമ്പുരാന് മുംബൈയിലും ഹേറ്റ് ക്യാമ്പയിൻ. സിനിമ തെറ്റായ വിവരങ്ങൾ പ്രചരിപ്പിക്കുന്നുവെന്ന് പറഞ്ഞാണ് സംഘപരിവാർ സംഘടനകൾ രംഗത്തെത്തിയിരിക്കുന്നത്....
എമ്പുരാൻ വലിയ വിവാദങ്ങളിലൂടെയാണ് കടന്ന് പോകുന്നത്. ചിത്രത്തിലെ രാഷ്ട്രീയ നിലപാടുകൾ ആണ് വിമർശനങ്ങൾക്കും കാരണമായത്. ഇപ്പോഴിതാ ഈ വേളയിൽ നടൻ മോഹൻലാലിൻറെ...
പ്രേക്ഷകർ ഏറെ ആകാംക്ഷയോടെ കാത്തിരുന്ന മോഹൻലാൽ-പൃഥ്വിരാജ് കൂട്ടുക്കെട്ടിൽ പുറത്തെത്തിയ എമ്പുരാൻ കാണാൻ കുടുംബസമേതമെത്തി മുഖ്യമന്ത്രി പിണറായി വിജയൻ. ശനിയാഴ്ച വൈകുന്നേരം ആറു...
ഈ വേളയിൽ മോഹൻലാലിനെതിരെ വിമർശനവുമായി രംഗത്തെത്തിയിരിക്കുകയാണ് സംവിധായകൻ രാമസിംഹൻ അബൂബക്കർ.ഫെയ്സ്ബുക്കിൽ പങ്കുവച്ച കുറിപ്പിലാണ് രാമസിംഹൻ സംസാരിച്ചത്. ‘പറഞ്ഞു കേട്ടത് പ്രകാരം മോഹൻലാൽ...