ഹെൽമെറ്റ് വെക്കാതെ ബൈക്കോടിച്ച് അനുഷ്ക ശര്‍മയും ബോഡി ഗാര്‍ഡും; പിഴയിട്ട് ട്രാഫിക് പൊലീസ്

മുംബൈയിലൂടെ ബോഡി ഗാര്‍ഡിന്റെ ബൈക്കിന് പിന്നിലിരുന്നുള്ള അനുഷ്ക ശര്‍മയുടെ യാത്ര കഴിഞ്ഞ ദിവസം വാര്‍ത്തകളില്‍ നിറഞ്ഞിരുന്നു. അതിന് പിന്നാലെ ഇപ്പോഴിതാ ഹെൽമെറ്റ് വെക്കാതെ ബൈക്കോടിച്ചതിന് ബോഡി ഗാര്‍ഡിന് പിഴയിട്ടതായി റിപ്പോർട്ട്.

മുംബൈ ട്രാഫിക് പൊലീസ് 10,000 രൂപ പിഴയിട്ടതായാണ് റിപ്പോർട്ട്. പിഴ തുക അടച്ചതായും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. ഗതാഗത തടസം ഉണ്ടായതോടെയാണ് ബൈക്കില്‍ യാത്ര ചെയ്യാന്‍ അനുഷ്ക തീരുമാനിച്ചത്.

അതേസമയം കഴിഞ്ഞ ദിവസം അമിതാഭ് ബച്ചനും ഹെൽമെറ്റ് ധരിക്കാതെ ബൈക്കില്‍ പ്രത്യക്ഷപ്പെട്ടിരുന്നു. എന്നാല്‍ താന്‍ നിയമം ലംഘിച്ചിട്ടില്ലെന്ന് ബച്ചൻ വ്യക്തമാക്കി. ഷൂട്ടിങ്ങിന്റെ ഭാഗമായിരുന്നു യാത്രയെന്നും നേരത്തെ അനുവാദം വാങ്ങിയിരുന്നതായുമാണ് അമിതാഭ് ബച്ചന്‍ വ്യക്തമാക്കിയത്.