ഇപ്പോള്‍ നടന്നുകൊണ്ടിരിക്കുന്ന സിനിമ റിവ്യൂ ബോംബിങ്ങില്‍ പ്രതികരണവുമായി നടന് ബാല. ഇത് വല്ലാതെ കൈവിട്ട് പോവുന്നുണ്ടെന്നും നെഗറ്റീവ് റിവ്യൂകൊണ്ട് പാവപ്പെട്ടവന്റെ ചോറാണ് ഇല്ലാതെയാവുന്നത് എന്നും ബാല പറഞ്ഞു.
‘ഞാന്‍ ഇത്രയെ പറയുന്നുള്ളു. സിനിമാ നിരൂപണം നടത്തുന്നവര്‍ ഒരു സിനിമ കണ്ടിട്ട് അവരുടെ വ്യക്തിപരമായ അഭിപ്രായം ഒരു പൊതു അഭിപ്രായമായി പറയരുത്. അതിന് ആര്‍ക്കും അവകാശമില്ല. എല്ലാവര്‍ക്കും ഒരു തലയും ഒരു മൈന്‍ഡുമാണ് ഉള്ളത്. അവര്‍ ചിന്തിക്കുന്നത് മാത്രം നിയമമല്ല. ഇത് കൈവിട്ട് പോകുന്നുണ്ട്
ഒരു സിനിമയെ കുറിച്ച് എടുത്ത് ചാടി അഭിപ്രായം പറയരുത്.
അതിന് ആര്‍ക്കും അവകാശമില്ല. മമ്മൂട്ടി, മോഹന്‍ലാല്‍, രജനി, വിജയ് തുടങ്ങി എല്ലാ ഭാഷയിലെയും സൂപ്പര്‍ താരങ്ങളെ ഇതൊന്നും ബാധിക്കില്ല. വളര്‍ന്നു വരുന്ന പുതിയ ആളുകള്‍ക്കാണ് ഇത് വലിയ ബുദ്ധിമുട്ടാവുക. അവര്‍ പിന്നെ എങ്ങനെ മുന്നോട്ട് പോവും. ഈയിടെ ആര്.ഡി.എക്സ് എന്ന ഒരു സിനിമ ഇറങ്ങി. അതിലെ ഒരു നടനെ കുറിച്ച് എന്തൊക്കെയാണ് മോശമായി പറഞ്ഞിരുന്നത്.
ആ സിനിമ കണ്ടിട്ട് ഇതില്‍ ഒന്നുമില്ല വെറുമൊരു അടിപടമാണെന്ന് പറഞ്ഞാല്‍ ആ സിനിമ പരാജയപ്പെടില്ലേ. പക്ഷെ മലയാളികള്‍ ആ സിനിമ ഒരുപാട് ആഘോഷിച്ചില്ലേ. കൊറോണ സമയത്ത് സിനിമയില്ലാത്തപ്പോള്‍ സിനിമയിലെ ടെക്‌നിഷ്യന്‍സ് എന്താണ് ചെയ്തതെന്ന് ആര്‍ക്കെങ്കിലും അറിയുമോ. അവരുടെ കുടുംബം എങ്ങനെയാണ് ജീവിച്ചതെന്ന് ആരെങ്കിലും അന്വേഷിച്ചിരുന്നോ.
സിനിമാ റിവ്യൂ നടത്തുന്നവര്‍ അവരെ പോയി സഹായിച്ചിരുന്നോ. ഞാന്‍ സംസാരിക്കുന്നത് പാവപ്പെട്ടവര്‍ക്ക് വേണ്ടിയാണ്. നെഗറ്റീവ് റിവ്യൂ മമ്മൂട്ടിക്കും മോഹന്‍ലാലിനും പ്രശ്‌നമല്ല. ആസ്തിയെല്ലാം വിറ്റിട്ട് ഈ തൊഴിലില്‍ വിശ്വസിച്ച് സിനിമ ചെയ്യാന്‍ ഇറങ്ങുന്നവരുടെ ചോറാണ് ഇല്ലാതെയാവുന്നത്.’ എന്നും അഭിമുഖത്തില്‍ ബാല പറഞ്ഞു.
കഴിഞ്ഞ ദിവസമായിരുന്നു നടൻ ഷൈൻ ടോം ചാക്കോയും കുടുംബവും സഞ്ചരിച്ച കാർ അപകടത്തിൽപ്പെട്ട് ഷൈനിന്റെ പിതാവ് അന്തരിച്ചത്. സംഭവത്തിന് പിന്നാലെ വൈകാരികമായ...
പ്രേക്ഷകർക്കേറെ സുപരിചിതയാണ് നടി സാന്ദ്ര തോമസ്. ഇപ്പോഴിതാ നടിയ്ക്കെതിരെ പ്രൊഡക്ഷൻ കൺട്രോളർ റെനി ജോസഫ് വധഭീഷണി മുഴക്കുന്ന ശബ്ദ സന്ദേശമാണ് പുറത്തുവന്നിരിക്കുന്നത്....
മലയാളികളുടെ പ്രിയങ്കരനാണ് ദിലീപ്. ഒരു കാലത്ത് കുടുംബ പ്രേക്ഷകർക്ക് പ്രിയങ്കരൻ ആയിരുന്നു ദിലീപ്. എന്നാൽ കൊച്ചിയിൽ നടി ആക്രമിക്കപ്പെട്ട കേസിൽ ദിലീപിന്റെ...
കേരളക്കരയെയാകെ പിടിച്ച് കുലുക്കിയ സംഭവമായിരുന്നു കൊച്ചിയിൽ നടി ആക്രമിക്കപ്പെട്ട കേസ്. 2017 ഫെബ്രുവരി 17നാണ് തൃശൂരിൽ നിന്ന് കൊച്ചിയിലേക്കുള്ള യാത്രയ്ക്കിടെ നടി...
പ്രേക്ഷകർക്കേറെ സുപരിചിതയാണ് നടൻ കൃഷ്ണ കുമാറിന്റെ മകൾ ദിയ കൃഷ്ണ. പത്ത് ലക്ഷത്തിന് മുകളിൽ സബ്സ്ക്രൈബേഴ്സുള്ള ഒരു യൂട്യൂബ് ചാനൽ ദിയയ്ക്ക്...
