Connect with us

ഞങ്ങള്‍ വേര്‍പിരിഞ്ഞു എന്നുള്ള വാര്‍ത്തകള്‍ കാണാറുണ്ട്; അങ്ങനെ സംഭവിയ്ക്കുകയാണെങ്കില്‍ എല്ലാവരെയും അറിയിച്ചിട്ട് മാത്രമേ ചെയ്യൂ ; ജീവയും അപർണ്ണയും

Movies

ഞങ്ങള്‍ വേര്‍പിരിഞ്ഞു എന്നുള്ള വാര്‍ത്തകള്‍ കാണാറുണ്ട്; അങ്ങനെ സംഭവിയ്ക്കുകയാണെങ്കില്‍ എല്ലാവരെയും അറിയിച്ചിട്ട് മാത്രമേ ചെയ്യൂ ; ജീവയും അപർണ്ണയും

ഞങ്ങള്‍ വേര്‍പിരിഞ്ഞു എന്നുള്ള വാര്‍ത്തകള്‍ കാണാറുണ്ട്; അങ്ങനെ സംഭവിയ്ക്കുകയാണെങ്കില്‍ എല്ലാവരെയും അറിയിച്ചിട്ട് മാത്രമേ ചെയ്യൂ ; ജീവയും അപർണ്ണയും

ടെലിവിഷന്‍ അവതാരകായിട്ടെത്തി പിന്നീട് താരദമ്പതിമാരായി മാറിയവരാണ് ജീവ ജോസഫും അപര്‍ണ തോമസും. ആരാധകരെ പോലും അസൂയപ്പെടുത്തുന്ന ദാമ്പത്യ ജീവിതമാണ് ഇരുവരും നയിക്കുന്നത്. വിവാഹം കഴിഞ്ഞിട്ട് ഏഴ് വര്‍ഷമായെങ്കിലും ഇപ്പോഴും കല്യാണം കഴിച്ചെന്ന് പോലും തോന്നുന്നില്ല. അത്രത്തോളം സന്തോഷത്തോടെയാണ് തങ്ങള്‍ ജീവിക്കുന്നതെന്നാണ് താരങ്ങള്‍ പലപ്പോഴും പറയാറുള്ളത്.

പരസ്പരം രണ്ട് പേരും രണ്ട് പേരുടെയും ലൈഫ് റൂള്‍ ചെയ്യാത്തതാണ് ഞങ്ങളുടെ വിജയം എന്ന് അപര്‍ണയും ജീവയും പറയുന്നു. രണ്ട് പേരും ഒരു കാര്യത്തിനും നിയന്ത്രണം വയ്ക്കാറില്ല, ഇഷ്ടമുള്ള കാര്യങ്ങള്‍ രണ്ട് പേര്‍ക്കും ചെയ്യാം. അതാണ് എട്ട് വര്‍ഷത്തെ ദാമ്പത്യ ജീവിതത്തിലെ വിജയം എന്ന് ഓൺലൈൻ മീഡിയക്ക് നല്‍കിയ അഭിമുഖത്തില്‍ അപര്‍ണയും ജീവയും പറഞ്ഞു.

കല്യാണം കഴിച്ചതിനെ കുറിച്ചൊക്കെ ചിലര്‍ ചോദിക്കാറുണ്ട്. ചേച്ചി ഞങ്ങള്‍ നല്ല സൗഹൃദത്തിലാണ് കല്യാണം ഇപ്പോള്‍ കഴിക്കുന്നതിനെ കുറിച്ച് എന്താണ് അഭിപ്രായം എന്നൊക്കെ ചോദിയ്ക്കുമ്പോള്‍, കല്യാണം കഴിക്കൂ എന്നാണ് ഞാന്‍ പറയാറുള്ളത്. എന്നെ സംബന്ധിച്ച് എന്റെ ലൈഫ് ഹാപ്പിയാണ്. എന്റെ ഡാഡിയും മമ്മിയും നല്ല സ്ട്രിക്ട് ആയിരുന്നു. കല്യാണത്തിന് ശേഷമാണ് ലൈഫ് കൂടുതല്‍ അടിപൊളിയായത്.

ഞങ്ങള്‍ വേര്‍പിരിഞ്ഞു എന്നുള്ള വാര്‍ത്തകള്‍ പല യൂട്യൂബ് ചാനലുകളിലും കാണാറുണ്ട്. കൊവിഡ് കാലത്തൊക്കെയായിരുന്നു കൂടുതലും. പക്ഷെ ഇതുവരെ അത് സംഭവിച്ചിട്ടില്ല. അഥവാ അങ്ങിനെ ഒന്ന് സംഭവിയ്ക്കുകയാണെങ്കില്‍ സോഷ്യല്‍ മീഡിയയിലൂടെ എല്ലാവരെയും അറിയിച്ചിട്ട് മാത്രമേ ചെയ്യൂ. നല്ല അടിപൊളി കാര്‍ഡ് ഉണ്ടാക്കി ഇന്‍സ്റ്റഗ്രാമില്‍ പോസ്റ്റ് ചെയ്ത് കമന്റ് സെക്ഷന്‍ ഓഫാക്കി ഇടും. വേര്‍പിരിഞ്ഞാലും ഞാന്‍ ചിലപ്പോള്‍ വേറെ കല്യാണം കഴിച്ചേക്കാം എന്നാണ് അപര്‍ണ പറയുന്നത്.

വിവാഹ മോചനം ഒരിക്കലും ഒരു തെറ്റായ കാര്യമല്ല. ഒരുമിച്ച് ജീവിയ്ക്കാന്‍ കഴിയുന്നില്ല എങ്കില്‍ വേര്‍പിരിയുന്നത് തന്നെയാണ് നല്ലത്. എന്റെ അടുത്ത ബന്ധു വിവാഹം കഴിഞ്ഞ് ആറ് മാസത്തിനകം വേര്‍പിരിഞ്ഞിരുന്നു. അത് തെറ്റാണ് എന്ന് ഒരിക്കലും പറയാന്‍ പറ്റില്ല. ഒരു മുറിയില്‍ റൂമേറ്റ്‌സിനെ പോലെ, മറ്റുള്ളവരെ ബോധ്യപ്പെടുത്താന്‍ അഭിനയിച്ചു ജീവിയ്ക്കണം എന്ന് ഒരിക്കലും പറയാന്‍ പറ്റില്ല. അത് രണ്ട് പേരുടെയും ലൈഫ് കളയുന്നതിന് തുല്യമാണ്.

അതേ സമയം കല്യാണം കഴിഞ്ഞ് മാസങ്ങള്‍ക്ക് അകം വേര്‍പിരിയുന്നു, രണ്ട് വര്‍ഷം കൊണ്ട് വേര്‍പിരിയുന്നു എന്നൊക്കെയുള്ള വാര്‍ത്തകള്‍ കേള്‍ക്കുമ്പോള്‍ എട്ട് വര്‍ഷം ഞങ്ങള്‍ ഒരുമിച്ച് സന്തോഷത്തോടെ കഴിയുന്നു എന്ന് ആലോചിയ്ക്കുമ്പോള്‍ ഞങ്ങള്‍ക്ക് അഭിമാനം ഉണ്ട്. അതൊരു ചെറിയ ടൈം അല്ല. വിവാഹം നടത്തുന്നതിലും ഒന്നിച്ച് ജീവിയ്ക്കുന്നതിലും എല്ലാം എത്രയോ എളുപ്പമാണ് ഇപ്പോള്‍ ഡൈവോഴ്‌സ് ആവുന്നത്.

ഞങ്ങളെ സംബന്ധിച്ച്, ഞങ്ങളെ ഇഷ്ടപ്പെടുന്ന കുറച്ച് പേരെങ്കിലും ഉണ്ടാവും. അവര്‍ക്ക് നല്ല രീതിയിലുള്ള ഒരു സന്ദേശം കൊടുക്കാന്‍ കഴിയണം. ഹാപ്പി ലൈഫ് കാണിച്ചുകൊടുക്കണം, മാതൃകയാകണം എന്നൊക്കെയുള്ള ആഗ്രഹം മാത്രമേയുള്ളൂ. ഞങ്ങളുടെ ലൈഫ് ആര്‍ക്കെങ്കിലും പ്രചോദനം ആകുന്നുണ്ട് എങ്കില്‍ സന്തോഷം. അത് മറ്റുള്ളവരെ അസൂയപ്പെടുത്താന്‍ വേണ്ടി ഒന്നുമല്ല- ജീവയും അപര്‍ണയും പറഞ്ഞു

More in Movies

Trending

Recent

To Top