52 വയസ്സ് ആയി എനിക്ക്, മുത്തശ്ശിയാവാന്‍ പോകുന്ന എന്നോട് ഇങ്ങനെയാണെങ്കില്‍ നാട്ടിലെ പെണ്‍കുട്ടികളുടെ അവസ്ഥ എന്തായിരിയ്ക്കും ; പൊട്ടിത്തെറിച്ച് നദി ഐശ്വര്യ
പ്രജ, നരസിംഹം തുടങ്ങിയ ചിത്രങ്ങളില്‍ മോഹന്‍ലാലിന്റെ നായികയെത്തി മലയാളികൾക്കിടയിൽ സുപരിചിതയായ നടിയാണ് ഐശ്വര്യ ഭാസ്‌കര്‍. ചില സീരിയലുകളിലും ഐശ്വര്യ അഭിനയിച്ചിരുന്നു. എന്നാൽ കുറച്ചുനാളുകളായി നടി വെള്ളിത്തിരയിൽ നിന്ന് പുറത്താണ്
തനിക്ക് ജോലിയില്ലെന്നും പണമില്ലെന്നും തെരുവുകൾതോറും സോപ്പ് വിറ്റാണ് ജീവിക്കുന്നതെന്നുമുള്ള വെളിപ്പെടുത്തൽ നടത്തുന്നു ഐശ്വര്യ.. അതിന്റെ ചുവട് പിടിച്ച് ഇപ്പോള്‍ നടി നേരിടുന്നത് ഭീകരമായ പ്രശ്നമാണ്. അതിനെതിരെ പൊട്ടിത്തെറിച്ച് രംഗത്തെത്തിയിരിയ്ക്കുകയാണ് ഐശ്വര്യ
. മകളെ വിവാഹം ചെയ്ത് അയച്ചതിന് ശേഷം തന്റെ പൂച്ചകള്‍ക്കൊപ്പം സ്വസ്തമായി തനിച്ച് കഴിയുന്ന ഐശ്വര്യയുടെ ഇപ്പോഴത്തെ ജീവിത മാര്‍ഗ്ഗമാണ് സോപ്പ് കച്ചവടം. അതിന് വേണ്ടി വീടുതോറും കയറി ഇറങ്ങിയും ഓഡര്‍ എടുത്തും വില്‍പന നടത്തും
കച്ചവടത്തിന്റെ ഭാഗമായി ഓഡര്‍ ചെയ്യാന്‍ വേണ്ടി രണ്ട് ഫോണ്‍ നമ്പറുകള്‍ ഐശ്വര്യ കൊടുത്തിരുന്നു. രാവിലെ ആറ് മണി മുതല്‍ രാത്രി പത്ത് മണിവരെ അതിലേക്ക് വിളിച്ച് സോപ്പുകള്‍ക്ക് വേണ്ടി ഓഡര്‍ ചെയ്യാം എന്ന് പ്രത്യകം പറഞ്ഞിട്ടുണ്ട്. എന്നാല്‍ ഈ ഫോണിലേക്ക് പതിനൊന്ന് മണിയ്ക്ക് ശേഷം വരുന്ന കോളുകളും മെസേജുകളും ആണ് ഇപ്പോള്‍ നടിയ്ക്ക് ശല്യം.അശ്ലീല ഫോട്ടോസും മെസേജുകളും ആണ് പാതിരാത്രിയില്‍ ഈ രണ്ട് നമ്പറിലേക്കും വരുന്നത്. വയസ്സ് ആയാലും ശരീരം ഇപ്പോഴും ചെറുപ്പമാണ്, അങ്ങോട്ട് വരട്ടെ എന്നൊക്കെ ചോദിച്ചുകൊണ്ടുള്ള മെസേജുകള്‍ക്ക് തെറി വിളിച്ചുകൊണ്ടാണ് ഐശ്വര്യ മറുപടി നല്‍കുന്നത്. വേറെ കുറേ ആളുകള്‍ സ്വകാര്യ ഭാഗങ്ങളും ഫോട്ടോ എടുത്ത് എയക്കുന്നുണ്ടത്രെ. അതെല്ലാം തെളിവ് സഹിതമാണ് ഐശ്വര്യ വീഡിയോയില്‍ കാണിക്കുന്നത്.
എനിക്ക് വേണമെങ്കില്‍ ഇത് സൈബര്‍ സെല്ലിലും പൊലീസും പരാതിയായി കൊടുക്കാം. പക്ഷെ എന്തിനാണ് ഇത്തരം കീടങ്ങള്‍ക്ക് വേണ്ടി അവരെ ബുദ്ധിമുട്ടിയ്ക്കുന്നത് എന്നാണ് ഐശ്വര്യ ചോദിയ്ക്കുന്നത്. മകളോട് ചോദിച്ചപ്പോള്‍ ഒന്നും നോക്കാനില്ല, ഇതിനെ കുറിച്ച് ഒരു അവബോധം നല്‍കിക്കൊണ്ട് വീഡിയോ ചെയ്യണം എന്ന് പറഞ്ഞു. 52 വയസ്സ് ആയി എനിക്ക്. മകളെ കല്യാണം കഴിപ്പിച്ച് കൊടുത്ത് മുത്തശ്ശിയാവാന്‍ പോകുന്നു. ഈ എന്നോട് ഇങ്ങനെയാണെങ്കില്‍ നാട്ടിലെ പെണ്‍കുട്ടികളുടെ അവസ്ഥ എന്തായിരിയ്ക്കും എന്നാണ് ഐശ്വര്യ ചോദിയ്ക്കുന്നത്.
