വിജയ് നായകനായി എത്തുന്ന അറുപത്തിയാറാമത് ചിത്രം വാരിസിന്റെ ഫസ്റ്റ് ലുക്ക് പോസ്റ്റര്‍ ഏറെ ശ്രദ്ധ നേടിയിരുന്നു. എക്‌സികുട്ടീവ് ലുക്കിലാണ് വിജയ് ഈ ഫസ്റ്റ് ലുക്ക് പോസ്റ്ററില്‍ പ്രത്യക്ഷപ്പെട്ടത്.
എന്നാല്‍ ഈ ലുക്ക് ഓട്ടോ എന്ന ടെക്‌സ്‌റ്റൈല്‍ ബ്രാന്‍ഡിന് വേണ്ടി, അതിന്റെ ബ്രാന്‍ഡ് അംബാസ്സഡര്‍മാരില്‍ ഒരാളായ ദുല്‍ഖറിന്റെ ഫോട്ടോഷൂട്ടില്‍ നിന്ന് കോപ്പിയടിച്ചതാണെന്ന മട്ടിലുള്ള ആരോപണവും ഒപ്പം ഇതേ ലുക്കില്‍ ദുല്‍ഖര്‍ ഇരിക്കുന്ന ഒരു ഫോട്ടോയും സോഷ്യല്‍ മീഡിയയില്‍ പ്രചരിച്ചു. ഇപ്പോഴിതാ ആ വാദം തെറ്റാണെന്നു വ്യക്തമാക്കിക്കൊണ്ട് മുന്നോട്ടു വന്നിരിക്കുന്നത് ഓട്ടോ എന്ന ടെക്‌സ്‌റ്റൈല്‍ ബ്രാന്‍ഡിന്റെ ഒഫീഷ്യല്‍ ടീം തന്നെയാണ്.
വാരിസ് ലുക്ക് കോപ്പി അല്ലെന്നും, അതേ ലുക്കില്‍ ദുല്‍ഖര്‍ ഇരിക്കുന്ന ഫോട്ടോ ആരോ വ്യാജമായി ഉണ്ടാക്കിയതാണെന്നും അവര്‍ വെളിപ്പെടുത്തി. ദളപതി വിജയ്ക്കും, വാരിസ് എന്ന ചിത്രത്തിനും അവര്‍ വിജയാശംസകളും നേര്‍ന്നിട്ടുണ്ട്. സൂപ്പര്‍ ഹിറ്റ് തെലുങ്കു സംവിധായകന്‍ വംശി സംവിധാനം ചെയ്യുന്ന ഈ ചിത്രം നിര്‍മ്മിക്കുന്നത് സൂപ്പര്‍ ഹിറ്റ് ചിത്രങ്ങള്‍ സമ്മാനിച്ചിട്ടുള്ള തെലുങ്കു നിര്‍മ്മാതാവായ ദില്‍ രാജുവാണ്.
പ്രകാശ് രാജ്, പ്രഭു, ശാം, യോഗി ബാബു, ജയസുധ എന്നിവരും അഭിനയിക്കുന്ന ഈ ചിത്രത്തില്‍ ദളപതി ഇരട്ട വേഷമാണ് ചെയ്യുന്നതെന്നാണ് ഇപ്പോള്‍ വരുന്ന റിപ്പോര്‍ട്ടുകള്‍ പറയുന്നത്. രശ്മിക മന്ദാനയാണ് ഇതില്‍ ദളപതിയുടെ നായികാ വേഷം ചെയ്യുന്നത്. ബോസ് തിരിച്ചു വരുന്നു എന്ന ക്യാപ്ഷനോടെയാണ് ഇതിലെ വിജയ്യുടെ മൂന്നു ലുക്കുകള്‍ പുറത്തു വിട്ടത്.
കഴിഞ്ഞ കുറച്ച് ദിവസങ്ങളായി സുരേഷ് ഗോപി ചിത്രമായ എസ്കെ – ജാനകി വേഴ്സസ് സ്റ്റേറ്റ് ഓഫ് കേരളയുമായി ബന്ധപ്പട്ട വിവാദങ്ങളാണ് സോഷ്യൽ...
മലയാളികൾക്കേറെ പ്രിയങ്കരനായ നടനാണ് ജഗദീഷ്. അദ്ദേഹത്തിന്റെ പഴയകാല ചിത്രങ്ങളിലെ കോമഡികൾ വർഷങ്ങൾക്കിപ്പുറവും പ്രേക്ഷകരെ കുടുകുടാ ചിരിപ്പിക്കാറുണ്ട്. അഭിനയത്തിന് പുറമെ തിരക്കഥ, കഥ,...
തെന്നിന്ത്യയൽ നിരവധി ആരാധകരുള്ള താരമാണ് വിജയ് ദേവരക്കൊണ്ട. അർജുൻ റെഡ്ഡി എന്ന ഒറ്റ ചിത്രത്തിലൂടെ തന്നെ നിരവധി ആരാധകരെ സ്വന്തമാക്കാനും തെലുങ്ക്...
തെന്നിന്ത്യൻ പ്രേക്ഷകർക്ക് പരിചയപ്പെടുത്തേണ്ട ആവശ്യമില്ലാത്ത നടനാണ് മാധവൻ. അടുത്തിടെ, തന്റെ ആദ്യ സംവിധാന സംരംഭമായ റോക്കട്രി: ദി നമ്പി ഇഫക്റ്റിനായി ശരീരഭാരം...
മലയാള സിനിമയുടെ താരരാജാവാണ് മോഹൻലാൽ. നിരവധി ആരാധകരുള്ള മലയാളികളുടെ സ്വന്തം ലാലേട്ടനാണ് മോഹൻലാൽ. പ്രായഭേദമന്യേ ആരാധകരുള്ള നടൻ. കുസൃതി നിറഞ്ഞ ചിരിയും...
