ആ കാര്യത്തില്‍ കേരളത്തെ ഓര്‍ത്ത് അഭിമാനം തോനുന്നു; തന്റെ പാര്‍ട്ടി അനുഭാവം വെളിപ്പെടുത്തി നടന്‍ ടോവിനോ തോമസ്

രാജ്യത്ത് നിലനില്‍ക്കുന്ന രാഷ്ട്രീയ സാഹചര്യങ്ങളോട് കേരളം ഒറ്റക്കെട്ടായി പ്രതികരിക്കുന്നത് അഭിമാനകരണാണെ പ്രസ്ഥാവനയുമായി നടന്‍ ടോവിനോ തോമസ്. ഒരു മാസികയുമായി ബന്ധപ്പെട്ടു കൊണ്ട് നടന്ന പൊതുപരിപാടിയിലാണ് അദ്ദേഹം ഈ പരാമര്‍ശം നടത്തിയത്. ഇന്ത്യയിലെ യുവാക്കള്‍ക്ക് രാഷ്ട്രീയവും രാഷ്ട്രബോധവും കൂടുതലായി ഉണ്ടാകേണ്ട കാലമാണ് ഇതെന്നും ആശയപരമായി തനിക്ക് ഇടതുപക്ഷ ചിന്താഗതികളോടാണ് അടുപ്പമുളളതെന്നും ടോവിനോ പറയുകയുണ്ടായി.

ആശയപരമായി ഇടതുപക്ഷ ചിന്താഗതികളോടാണ് തനിക്ക് അടുപ്പമുളളതെന്ന് വ്യക്തമാക്കിയ നടന്‍ രാജ്യത്തെ രൂക്ഷമായ സാഹചര്യത്തില്‍ ഉള്ള കേരളത്തിലെ ഒറ്റക്കെട്ടായ പ്രതിഷേധം അഭിമാനം നല്‍കുന്നതാണെന്നായിരുന്നു പറഞ്ഞത്.

ഈ കാലത്തെ ഓണ്‍ലൈന്‍ വായന പത്രങ്ങളും വാരികകളും വായിക്കുന്നതിന് തുല്യമാകില്ലെന്നും അദ്ദേഹം പറഞ്ഞു. കാട്ടിക്കുളത്തെ കമ്യൂണിറ്റി ഹാളില്‍ സംഘടിപ്പിച്ച പരിപാടിയില്‍ ഡിവൈഎഫ്‌ഐയുടെ അഖിലേന്ത്യ പ്രസിഡന്റ് മുഹമ്മദ് റിയാസ്, സംസ്ഥാന സെക്രട്ടറി എഎ റഹീം, പ്രസിഡന്റ് എസ് സതീഷ് കുമാര്‍ എന്നിവരും പങ്കെടുത്തിരുന്നു.

about tovino thomas